Milli Məclisin deputatı Zahid Oruc ev təsərrüfatlarının aktivlərinin uçotunun aparılması ilə bağlı yayılan məlumatlara münasibət bildirib.
Gununesi.info -nun xəbərinə görə, deputat qeyd edib ki, ev təsərrüfatlarının beş sahə üzrə uçotunun aparılması ÜDM-in daha dəqiq hesablanmasına, gələcəkdə isə düzgün və ünvanlı sosial siyasətin həyata keçirilməsinə xidmət edir.
Onun sözlərinə görə, bu proses ev təsərrüfatlarının bütün aktivlərinin vergiyə və digər ödənişlərə cəlb edilməsi məqsədi daşımır.
Zahid Oruc xatırladıb ki, Dövlət Statistika Komitəsinin 13 oktyabr 2026-cı il tarixli qərarı ilə ev təsərrüfatlarının uçotu sənədləri dəyişdirilib və yeni qaydaların 2027-ci il yanvarın 1-dən qüvvəyə minməsi nəzərdə tutulur.
Deputat eyni zamanda bildirib ki, aqrar istehsalçılara tətbiq edilən vergi güzəştlərinin dəyişdirilməsi ilə ev təsərrüfatlarının statistik uçotunun aparılması fərqli məsələlərdir və bunların bir-biri ilə əlaqələndirilməsi düzgün deyil.
O, ictimaiyyətdə yaranan narahatlığın aradan qaldırılması üçün aidiyyəti dövlət qurumlarının qərarın mahiyyətini və məlumatların hansı məqsədlə istifadə olunacağını əhaliyə ətraflı izah etməsinin vacibliyini vurğulayıb.
Zahid Oruc hesab edir ki, məlumatlandırma işinin zəif aparılması şayiələrin yayılmasına və dövlət büdcəsi layihəsi ətrafında yanlış təsəvvürlərin formalaşmasına şərait yarada bilər.
Elmar
Gununesi.info
The post Zahid Oruc: first appeared on Günün Səsi.
