Yəmənin “Ənsar Allah” hərəkatının husiləri Səudiyyə Ərəbistanının paytaxtındakı hava limanına və Yənbu şəhəri yaxınlığındakı neft infrastrukturuna zərbələr endirdiklərini iddia ediblər.
APA xəbər verir ki, bu barədə hərəkatın hərbi qanadının nümayəndəsi Yəhya Səriə açıqlama verib.
“Silahlı qüvvələrimiz ər-Riyaddakı Kral Xalid Beynəlxalq Hava Limanına üç qanadlı raketlə zərbə endirməyə nail olub”, – o bildirib.
O əlavə edib ki, husilər pilotsuz uçuş aparatı ilə Yənbu bölgəsindəki 11 saylı nasos stansiyasını da vurublar.
