“Ukrayna Qara dənizdə və enerji sektorunda atəşkəs elan etməyi təklif edib və Rusiyanın cavabını gözləyir”.
APA xəbər verir ki, bunu Ukraynanın xarici işlər naziri Andrey Sibiqa bildirib.
Nazirin sözlərinə görə, Kiyev təklifini Türkiyə, Misir və Hindistan vasitəsilə Moskvaya çatdırıb. Ukrayna tərəfi Rusiyanın cavabını gözləsə də, Sibiqa danışıqlarda irəliləyişə nail olunacağına nikbin yanaşmadığını qeyd edib.
O, həmçinin Rusiyanın Ukraynanın enerji infrastrukturuna hücumlarını davam etdirdiyini və ABŞ-dan hava hücumundan müdafiə sistemləri üçün raketlərin tədarükünü sürətləndirməsini xahiş etdiyini bildirib.
