Bakının Maştağa qəsəbəsinin sakini Cəlal Axundov 7 aydır iki illiyə kreditlə aldığı maşının ondan xəbərsiz satışa çıxarıldığını iddia edib.
NOCOMMENT.az " “Xəzər TV”yə istinadən xəbər verir ki, Cəlal Axundov sürdüyü maşının satışı haqda məlumatı tanımadığı şəxslərdən aldığını bildirib.
Onun sözlərinə görə, maşın üçün 2 min manat ilkin ödəniş edib, hər ay da 375 manat ödəyir. Dediyinə görə, özündən xəbərsiz avtomobili satışa çıxarlıb, hətta bir neçə nəfərdən beh də alınıb.
Saxta elan sahibinə beh ödəyən şəxslərdən biri də Sirac Qayıbovdur.
Elanda qoyulan telefon nömrəsinə isə zəng çatmır.
Məsələ ilə bağlı Daxili İşlər Nazirliyinin əməkdaşı Elbrus İbrahimov bildirib ki, qeyd edilən məsələ nəzarətə götürülüb, araşdırma aparılır.
