İranın İlam əyalətində işçiləri daşıyan avtobusun aşması nəticəsində 5 nəfər həyatını itirib, 17 nəfər isə müxtəlif dərəcəli xəsarətlər alıb.
“Qafqazinfo” “Fars”a istinadən xəbər verir ki, hadisə Dəşt-e-Abbas şəhərindən Murmuri şəhəri istiqamətində hərəkət edən nəqliyyat vasitəsinin ərazidəki neft quyularının yaxınlığında idarəetmədən çıxması nəticəsində qeydə alınıb.
İlkin məlumatlara əsasən, qəzada yaralanan 17 nəfər təcili tibbi yardım briqadaları tərəfindən yaxınlıqdakı xəstəxanalara çatdırılıb.
Hazırda müvafiq qurumlar tərəfindən qəzanın başvermə səbəbləri ilə bağlı araşdırmalar aparılır.
