İstənilən bir din insan beyni üçün zərərlidir. Yaşadığımız ölkədə islam dini hökmüran olduğu üçün söhbətimiz hərlənib-fırlanıb bu dinin üzərində qurulur ki, vətəndaşları maarifləndirək və bu istiqamətdə ictimai təfəkkürün yaxşılığa doğru inkişafında töhfələr verək. Bəli, ilk cümlədə dediyimiz kimi din insan beyni üçün o qədər zərərlidir ki, beynin düşünmək mexanizmini tormozlayır və kütləşdirir. Yadınızdadırsa yaxın keçmişdə Türkiyənin Zonguldakı Çaycuma rayonunda yaşayan və Çaycuma Dövlət Xəstəxanasının təcili yardım şöbəsində işləyən Yusuf adlı ata 16 yaşlı oğlunu meşəyə apararaq "rəbbimə qurban etdim" deyib bıçaqla boğazını kəsmişdi. Uşağın öldüyünü zənn edib, üstünü örtərək polisə təslim olmuşdu. Əməlində peşman olmadığını bildirən sözügedən adam "ən doğrusunu allah bilir"- deyərək özünə haqq qazandırmışdı. Həmən tibbi müayinədən keçirilən valideyinin sağlıq durumunun yerində olduğu və bu əməli şüurlu şəkildə həyata keçirdiyi məlum olmuşdur. Onun bildirdiyinə görə yuxuda ondan uşağını allah yolunda qurban kəsməsi tələb edilib: "Sabah qalxdım, oğlumu maşına mindirdim. Onu allah yolunda qurban verəcəyimi söylədim. Oğlum qəbul etdi. Meşəyə girdik qəssabdan aldığım bıçağı çıxardım. Oğlumu qabağıma qoyaraq kəsməyə başladım”.
Adama sual verirlər ki, inək, qoyun və sairə bir heyvan alıb qurban kəsərlər. Niyə uşağını qurban kəsdin? Cavab verir ki: “rəbbim belə istəmişdir”.
Qeyd edim ki, polislərin çevik hərəkəti və həkimlərin peşəkar müdaxiləsi nəticəsində boğazı kəsilmiş uşaq həyata qaytarılmışdır. Yaxşılaşandan sonra polisə verdiyi ifadədə atasının qəlbini qırmamaq üçün təklifini qəbul etdiyini söyləmişdir. Görün, din ailəni necə manqurtlaşdırıbdırsa hətta uşaq kəsilməyini, ölməyini “bu belə də olmadır” kimi başa düşüb, qəbul etmişdir. Bu uşağın səhvi deyil. Bu, uşağın yetişdiyi dindar ailənin, onun yaşadığı cəmiyyətin törətdiyi fəsadlardır. Ailənin digər üzvü, uşağın anası da yaşanan olayla bağlı ərindən şikayətçi olmadığını bəyan etmişdir.
Valideyn olaraq övladlarınıza verəcək iki önəmli borc var: təhsil və tərbiyyə. Bunların kənarında uşaqlara basqı göstərməyin, onları nəyəsə zorlamayın. Azərbaycanda ailələr tanıyıram ki, zorla qız uşaqlarına çadıra geyindirirlər, övladlarını dini qaydalarla yaşamağa məcbur edirlər. Cəmiyyətin parçası olan bu tip ailələrlə yaxşılığa doğru heç zaman ölkə inkişaf edə bilməz. Bunu anlayın ki, “maşallah”, “inşallah”, “allahu əkbər” və sairə bu kimi sözləri eşidən qulaqlarınızın bitişik olduğu başınız aşurada yarılmaqdan savayı bir işə yaramayacaq.
Yorumlar
Yorum Gönder