Mənasız yaşayanlar sinifi

 

Bu günlərdə insanların müzakirə mövzusu və sosial şəbəkələrdə maraqla izlədikləri video Əfqanıstanda yerli əhalinin ölkədən qaçmasıdır. Qaçmalarında qeyri-adi bir şey yoxdur. Sadəcə ölkədən çıxmaq uğurunda ağılsızcasına hərəkət etmələri internetdə trendə çevrilib. Məsələn, təyyarədən yapışırlar, qanadlarının üzərinə çıxırlar və bu beyin sahibləri bu formada ölkədən çıxmağı planlayırlar. Nəticədə havada olan təyyarədən düşürlər yerə. Dinin kölələri təyyarəni avtobus sanırlar və üstünə qalxmaqla açıq havada mənzil başına çatacaqlarını düşünürlər. Niyə? Çünki dünyadan, elmdən xəbərləri yoxdur. Başlarını din nağılları ilə doldurublar. Təyyarənin 800-1000 km sürətlə uçduğunu bilmirlər. Onların bildiyi tualetə birinci hansı ayaqla girəndə günah sayılmır kimi şeylərdi.

Əfqanıstandakı əhalinin təlaşını ekranlardan izləyən insanlar nədənsə düşünmürlər. Düşünmürlər ki, Əfqanıstan islam dövlətidir və orada yaşayanlar islam adətlərinə uyğun həyat tərzi sürürlər. İndi hakimiyyəti zəbt edən “Taliban” qüvvələri də islamçılardı. Yəni, məntiq olaraq islam həyatı yaşayan əhalini qorxudacaq, onların dinini qadağan edəcək və inandıqları dinə görə onları sıxacaq bir şey yoxdur. Belə olduğu təqdirdə onlar niyə ölkədən qaçmağa can atırlar? Axı dünyaya bağıraraq deyirlər ki, “islam sülh, əmin-amanlıq dinidir”, “Qurana istinad edib yaşamaq ən gözəl həyat tərzidir”. Bəs, indi niyə qaçırsız? Bu tip adamlar yaşadıqları islam ölkəsindən qaçırlar və sığınacaq aldıqları Qərbi Avropa ölkələrində, Amerika qitəsində və sairə məskunlaşdıqları dövlətlərdə durub islam, şəriət qanunları davası edirlər və edəcəklər. Dinlə beyinləri yoluxdurulan bu adamlar nə öz doğulub yaşadıqları ölkələrinə, nədəki Yer planetinə töhfə verə bilməzlər. İslam ölkələrini düşünün və oradakı vəziyyətə baxın. Hansı bir islam ölkəsi dünyaya səmərə verəcək ixtiraya sahibdir? Onların bacardığı ən yaxşı iş terrorizmdi, mədəniyyətlərin, incəsənət əsərlərinin məhvidir, canlıları qətl etməkdir.

Ey bir ölkədə yaşayıb, nəfəs aldığım insanlar! Bəsdirin bu qədər küt oldunuz. Gözünüzü açın dünyaya baxın, dünya ölkələri və onların mədəniyyətləri ilə maraqlanın, oxuyun, araşdırın. Ay yoldaşlar, azad, demokratik, sivil ölkələr dinlə işlərini bitiriblər. Onların allahla alıb-verəcəkləri qalmayıb artıq. O mərhələni keçiblər. Rahat və azad şəkildə, sosial qayğıdan uzaq, təbiətə ziyan vermədən, canlıları sevərək həyatlarını yaşayırlar. Amma Əfqanıstan kimi gerizıkalı dövlətlər din uğurunda mübarizə aparırlar, din uğurunda qətliamlar edir, terror törədirlər. Avropa ölkələri ilə maraqlansanız görərsiz ki, orda kilsələr muzey kimi, turist cəlb edən məkan qismində istifadə edilir. Hətta bəzi avropa ölkələrində məsələn, Niderlandda kilsələri kitabxanaya çeviriblər. Bəzi böyük kilsələri isə yaşayış kompleksi ediblər ki, insanlar həmin tarixi yerdə yaşamaq üçün daha artıq kirayə haqqı ödəyirlər. Nəticədə o pul bələdiyyələrin büdcəsinə toplanır və yenidən şəhərin infrastrukturuna, əhalinin sosial qayğlarının qarşılanmasına istiqamətlənir.

Ölkəmizdəki vəziyyət də islam dövlətlərindən geri qalmır. İnsanların sosial problemlərindən çox məscidlərin tikintisinə diqqət ayrılır. Əgər müşahidə edirsinizsə onda təsdiqləyərsiz ki, son zamanlar Azərbaycanda islam dininin təbliği geniş yayılıb. Bu prosses sürətlə gedir. Tanıdığın adamla iki gün sonra oturub çay içəndə sənə dindən, allahdan danışır. “Quran”da hər şey yazılıb falan deyir. Düzdür, kütləni idarə etmə baxımından din bir vasitə olsa da onun ifrat dərəcədə olması problemlər yaradacaq. Görün ölkəmizdə insanların beynini dinlə necə doldurublarsa, hətta Qarabağ savaşının qələbəsini islama bağlayırlar. Müharibə iştirakçılarının dilindən “bizə imam Hüseyn kömək etdi”, “bizə Quran kömək oldu” kimi ifadələri hamınız eşitmisiz. Deməyim odur ki, dinin ölkəmizdə geniş yayılması, təbliğ edilməsi xoş gələcəkdən xəbər vermir. Şəriət tərafdarı olan bu insanlar tək bizim deyil, ümumilikdə ölkənin gününü qara edəcəklər. Odur ki, dinin yox, elmin inkişafına sərmayə yatırın. Məscidin tikintisinə ayrılan pula pulsuz kitabxana açın və insanlara elmi kitabları oxumağı tövsiyə edin. O zaman mədəni, sivil bir cəmiyyət ola biləcəyimizə inanaq.