Qan qrupu

 

Hər birinizin şəxsiyyət vəsiqəsi var. Əgər onun arxa tərəfinə baxsanız “Qan qrupu” yazılan yerdə O(I)RH+,  A(II)RH-, B (III)RH+ və sairə kimi göstəricini oxuya bilərsiz. Çoxunuz bunun nə anlam daşıdığını bilmirsiz. RH, rezus faktorudu. Rezus faktoru, insanların eritrositlərinin səthində olan spesifik qan zülalıdır. Doktor Karl Landşteyner ilk dəfə 1940-cı ildə Əntər meymunun (Macaca rhesus) qanında rezus faktorunun olduğunu aşkar etdi. O, bu kəşfini Əntər meymununun adı ilə bağlayaraq “Rezus” faktoru (RH) adlandırdı.
Mütəxəsislərin dediyinə görə o, ana bətnində inkişafımızın 7-8 həftəsində formalaşır. İnsanda bu aşkar olunarsa, qanı rezus müsbət (RH+), aşkar olunmazsa rezus mənfi (RH-) adlandırılır. Hesablamalara görə dünya əhalisinin 85 faizi müsbət, 15 faizi isə mənfi qan qrupuna aiddirlər.  Əgər mənfi qan rezusuna maliksinizsə qorxmayın. Çünki, mütəxəsislər onu da bildirirlər ki, mənfi və ya müsbət qan qrupu insan sağlamlığına heç bir təsir göstərmir.

Bu günə kimi insanın meymuna bənzərlərdən təkamül olunduğuna dair bir çox sayda elmi sübutlar mövcud olsa da, müsəlmanlar və digər din adamları bunu qəbul etmək istəmirlər.  Kopçik sümüyü, başqa sözlə desək, büzdüm və ya quyruq sümüyü. Günümüzdə doğulan insanların bir neçəsi həmin büzdüm sümüyü çıxıntısı ilə dünyaya gəlir. Yəni, körpə doğulanda quyruğu olur. Bu isə insanın kökünün hardan gəlməsinə və təkamülə dəlalətdir. Ağıl dişinin meymunlarda da olduğunu desəm, yəqin ki,  təəccüblənmərsiz. Meymunların çənəsi böyük olduğu üçün ağıl dişi onları heç zaman incitmir. Şimpanze meymunu ilə insanın qan təhlillərinin oxşarlığı, yuxarıda dediyimiz kimi Əntər meymununun qanında rezus faktorunun olması bənzər kökdən gəlişə dəlalətdir. Hətta meymunla insanın duyğu və şəhvət hisslərinin bənzərliyi, kişi meymunların qocalanda saçlarının tökülməsi, bəzi meymun növlərində idrakın olması və sair bioloji sübutlar insanın dindarların dediyi kimi allah tərəfindən birdən-birə indiki fizioloji vəziyyətimizdə hop deyərək, yaradılmasını göstərmir. Ona görə də elmə əsaslanaraq təkamülü qəbul etmək insanda şübhə doğurmur. Təkamül nəzəriyyəsi biologiyanın təməlidir. Bununla yanaşı antropologiya, arxeologiya, anatomiya, astrobiologiya, bakteriologiya, biocoğrafiya, biofizika, biokimya, genetika, mikrobiologiya, molekulyar biologiya və sairə onlarla elm sahəsi tərəfindən dəstəklənir. Belə olan təqdirdə müsəlmanların ateistlərə istehza ilə “sizin əcdadınız meymundan əmələ gələ bilər, bizi isə allah yaradıb” – deməsi, onların beyinlərinin inkişaf etməməsini, düşüncələrinin isə sıfırın altında olduğuna sübutdur.

 T.İ.