Qul kimi adam

 “Facebook” sosial şəbəkəsində Tural Həmidov adlı bir istifadəçinin yazdıqları maraqlı olduğu üçün mövzunu (https://www.facebook.com/tural.hemidli.75) həmin mətn üzərindən açmaq istəyirəm. Yoldaş yazır ki: “Min illərdir ki, strateklər insanları idarə etmək üçün din yalanından istifadə edirlər. Dinin ən iyrənc tərəfi insanı "qul" adlandırmasıdır. Əgər insan Allahın yanında özünü qul hesab etsə, deməli, strateklərin hiyləsi baş tutub. Özünü qul hesab edən insanı idarə etmək asandı. Çünki bu zaman insan Allahın bütün əmrlərini yerinə yetirir. Əbəs yerə Allah insanlara "mənim qullarım" demir. İnsanın özünü qul kimi hiss etməsi üçün onun ən unikal və vacib enerjisi əlindən alınmalı idi. Bu enerji isə eqoizmdir. Hər zaman eqoizm insana mənfi olaraq göstərilib.

Eqoizm insanın özünə məftunluğudur. Özünə məftun olan insanı heç bir siyasi, dini və etik kodekslər aldada bilməz. Çünki eqoist insan individualdır. Qədim strateklər bunu çox gözəl anlayırdılar. Ona görə də insanları qul edib itaət altına almaq üçün eqoizmi şeytan cildində insana düşmən olaraq göstərdilər. Yəni, əslində, şeytan insanin çox güclü enerjisi olan eqoizmdir, şeytan insanın elə özüdür.

Əbəs yerə şeytana "təkəbbürlü", "üsyankar" demirlər. İnsan şeytanı lənətləyir, ondan qaçır, əslində isə, insan özü-özünü lənətləyir və insan özündən qaçır. Özü-özünü lənətləyən və öz eqosuna qarşı çıxan insan isə artıq quldur. Bu isə Allahı icad edən starteklərin inanılmaz hiyləsidir.

Ölüm zamanı sidq ürəklə Allahı çağırma və ya fövqəltəbii qüvvə axtarmaq əlbətdə ki, mümkün məsələdir. İnsan ölüm təhlükəsi zamanı Allahı xatırlaması -- insanın qəlbində Allah tərəfindən yaradılmış fitrət deyil, yüz illər boyu mədəniyyətlərin, cəmiyyətlərin din adi altında insana aşıladığı bioloji qorxu instinqidir. Bunu anlamaq üçün tarix və psixologiya ilə taniş olmaq gərək. Həqiqəti bilmədən quran ayəsindən istifadə etmək ancaq cəhillikdir”.

Bəli, Tural bəyin yazdıqları həqiqətdir. Şəhərdə, kənddə fərqi yoxdur, sorğu keçirsək insanların 100-də 99-u allahın qulu olduğunu deyəcək. “Qul” olmaq psixologiyası isə insanları həqiqətəndə yuxarı eşalon qarşısında qul edir. Və dəşətlisi odur ki, bu insanlar qul olmaqdan zövq alırlar. Öz qul həyatlarından razıdırlar. Sanki belə də olmalıdır kimi yaşayırlar. Amma siz məsələn, Kanadada, Amerikada, Fransada, İngiltərədə, İsveçrədə və sairə cəmiyyət olaraq inkişaf etmiş ölkələrdə insana qul desəniz, bunu təhqir hesab edərlər. Bizim cəmiyyətdə insanlar qul olduqlarını etiraf etdikləri üçün  normal cəmiyyətin qurulmasına töhfə verə bilmirlər. Qul kimi idarə edilməkdən zövq alan toplumlarda təbii ki, ədalət olmayacaq. Cahillik hökm sürən bu kütlə öz düşüncələrində (yəni, qul) olmayanları nəinki qəbul etmir, hətta üstəlik onlara qulp da qoşurlar. Məsələn, bu gün Azərbaycan cəmiyyəti Avropa, Amerika barədə nə düşünür? Avropada əxlaqsızlıq baş alıb gedir, insanlar iylənir, böyüyə hörmət qoymurlar, tualetə sıçandan sonra götlərini yumurlar və sair bu kimi sərsəm şeylər düşünüb danışırlar. Niyə? Çünki qul psixologiyası ilə yaşayırlar. Onlar üçün azad insan, ədalətli cəmiyyət məvhumu yoxdur. Qeyrət-namus söhbəti edən bu qul kütləsi, əxlaqı iki qılça arasında axtarır. İki qılça arasından hələ çıxa bilməyən cəmiyyət isə həmişə qul olacaq və idarə edilməsindən ləzzət alacaq. Bax beləcə, sadəcə. Çalışın aydınlanın. Ən azından övladlarınızı düşünün. Onların sizin kimi düşünməməsinə təsir etməyin, mane olmayın.