İslam barədə bir-iki söz...

 İslamın siyasiləşdirilməsi bu gün də öz aktuallığını itirməyib. Bəs, siyasi islam niyə gündəmdədir və islamı nəyə görə siyasətə qatırlar? Çünki islam dini özü siyasi bir alətdir. Başqa sözlə desək, xalqı idarə emək üçün hakim rejimlərə lazım olan gözəgörünməz güc vasitəsidir. Varlığı olmayan tanrılara tapınan fanatik kütləni idarə etmək və itaətdə saxlamaq daha asandır. Zatən “islam” kəliməsinin mənası təslim olmaq, itaət etmək, boyun əymək deməkdir. Bu isə qul anlamını verir. Bu anlam, yəni qul olmaq kütlənin beyninə yeridildiyi üçün onlar istənilən rejimdə və sosial şəriatdə hüquqlarını tələb etmək vərdişini bilmirlər. Siyasi islam insanları idarə etmək üçün insanın özü tərəfindən icad edilmiş bir rejimdir. İslam dövlətlərinə nəzər yetirin. Bir çoxu öncəsi ilə müqayisədə barbarlığa doğru gedir. İslama qədərki dönəmi "cahilliyə" adlandırırlar. Cəhaliyət: iman etməmək deməkdir. İman edən cahil deyildir.  Etməyən dünya səviyyəli alim olsa da onların düşüncəsinə görə cahildir. Dinə inanmadılar, deyə insanları cahil adlandıraraq alçaltmaq islamın xarakteridir. İçərisində özündən olmayanlara ən ağır təhqirlər, ən qorxunc hədə qorxu yağdıran, və tanrı sözü olduğu idda edilən kitabları göstərin! “Quran” kitabında “sevgi” sözünə rast gəlmərsiz. Ancaq “qorx” sözü ilə tez-tez qarşılaşarsız. Belə bir kitabı tanrı sözü bilənin özləri də başqa insanlara həmin tərzdə yanaşırlar. Çünki islam dininin insanlara verdiyi töhfə budur. Əgər müqəddəs hesab edilən bir kitab özündə təhqir və təhdit ehtiva edirsə, deməli, onun yazarı oxucuları inandıra bilmir. Söyləyəcək sözü qalmayıb və gücə müraciət edir. İnsanları qorxudaraq boyun əydirmək, təslim etdirmək məqsədi daşıyır. Əgər sən dinə, allaha inanmırsansa əbədiyyən cəhənnəmdə yandırılacaqsan - sözü nə deməkdir? Bu sözü söyləyənin tanrı olması, hər şeyə sahib olması ağıla, məntiqə, sağlam düşüncəyə olduqca ziddir. Özünü yaratdığı insanlara inandıra bilməməsinə səbəb onlara verdiyi beyindirsə, onda tanrını inkar edən həmin beyin allahın uğurlu olmayan nəticəsidi. Üstəlik öz azad seçimi ilə ona  inanmayacağını bilə-bilə yaradıb sonra yandırmaq bir tanrı ağlı deyil, zəif psixologiyalı insanların ancaq beyinlərində və onun adından danışdıqları xəyali tanrı obrazıdı...

Ümumiyyətlə, dinlər, minlərlə il əvvəlkilərin ilkəl ağlı, ilkəl əxlaqı və ilkəl toplum qaydalarını özündə əks etdiri. Yəni, dinə görə yaşayan insan minlərlə il öncə yaşayan insanın beyni ilə düşünür, təkamül etməmiş əxlaqı ilə davranır, günümüzdə keçərliliyini itirmiş qaydaları ilə həyatını formalaşdırır. İnkişafdan qalmış beyin, təkamüldən qaçan əxlaq və keçərliliyini itirmiş ilkəl toplum qaydaları ilə modern həyata inteqrasiya etmək isə mümkün deyildir. Digər tərəfdən dinlər əsla modern ola bilməz və əsla zamanla uzlaşa bilməz. Məhəmməd dönəminin adi insanlarından biri olub. Amma kütlə onu allahın seçdiyi elçi, mükəmməl insan, bütün insanların ən əxlaqlısı deyə cəmiyyətə sırıdığı üçün biriləri də çıxıb Məhəmmədin günümüzün əxlaq normalarına sığmayan özəlliklərini ortaya atır. Qədim bütpərəst + ərəb adətləri + Tövrat + ətrafdakı digər dinlər (sabiilik, xristianlıq, zərdüştlük və s.) + Məhəmmədin günlük siyasəti + Məhəmmədin cinsi həyatı = İslam dini. Baxın, islam dediyiniz, bu riyazi toplamadan ibarətdir. Ortada müqəddəs olan, tanrıdan gələn heç bir şey yoxdu. Çünki, bunu idda edən də elə insanın özü olub. Bildiyiniz kimi maariflənmənin yolu oxumaq və araşdırmaqdan keçir. Özünüzü əziyyətə salıb maraqlansanız biləcəksiniz ki, müqəddəs hesab etdiyiniz “Quran” kitabı “Tövrat”ın bənzəridi, “İncil” kitabın da yazılanlarla oxşardı. Bütün bu kitabların kökü isə şumer inanclarından gəlir. Bax beləcə, sadəcə...

 T.İ.