Ərəbin oyunu

“(Ey Məkkə əhli!) Biz onu ərəbcə bir Quran olaraq nazil etdik ki, (mənasını ) anlayasınız”. Bu cümləni Quran kitabının “Yusif ” surəsi 2-də oxuya bilərsiz. Açıq şəkildə bildirilir ki, Məhəmməd həmin bu kitabı mənsub olduğu tayfa üçün, ərəblər üçün peyda edib. Məhz ona görədir ki, dünya əhalisini nəzərdə tutaraq müraciət edilmir. Yalnız Məhəmmədin tayfası olan Məkkə əhlinə xitab edilir. Əgər Məhəmməd bilsəydi ki, yaratdığı dini zor gücünə, qan tökərək dünyaya yayıb, insanları zibilə salacaq, inanınkı Quranı ərəbcə yazmazdı və yazdırmazdı. İngilis və ya başqa dildən istifadə edərdi. Amma Məhəmməd "Quran"da açıq yazıb ki, bu kitab ərəblər üçündür. Ölkəmizdə özlərini dindar və müsəlman hesab edən milyonlarla adam var. Maraqlıdır, bu adamlar bəs "Quran"ı necə oxuyub başa düşüblər? “Yusif” surəsi 2-ni oxuyandan sonra insan yenə də Quranı müqəddəs kitab və islam dinini özününkü hesab edirsə o kəslərin ağlının normal işləməsindən şübhə edin. Beyni yerində olan insan bu cümləni (“(Ey Məkkə əhli!) Biz onu ərəbcə bir Quran olaraq nazil etdik ki, (mənasını ) anlayasınız”.) oxuyandan sonra özünə hörmət edər, islama yox deyər. Ancaq əfsuslar olsun ki, bizim bu millət, daha doğrusu millət yox, tayfa, kütlə. Özü də sonu bilinməyən, gələcəyi məlumsuz olan tayfa yığını kağız parçasından ibarət Quran kitabını boş başlarının üstünə qoymaqla öz vəziyyətlərini daha da dramatikləşdirirlər.

Mövzunun davamı olaraq “Şura” surəsi 7-ə baxaq: “(Ya Peyğəmbər!) Şəhərlərin anası (olan Məkkə) əhlini və onun ətrafındakıları (bütün başqa insanları) haqqında heç bir şübhə olmayan (bütün məxluqatın bir yerə cəm olacağı) toplanış (qiyamət) günü ilə qorxutmağın üçün beləcə sənə ərəbcə Quran vəhy etdik. (Axirətdə insanların) bir qismi (möminlər) Cənnətdə, bir qismi (kafirlər) isə Cəhənnəmdə olacaqdır”! Görürsüz, yenə də ərəb dilini önə çəkir. “Məkkə əhli və ətrafındakılar” deyilir. Məkkənin ətrafındakı tayfalar da ərəblər idi. “Məkkə əhli və onun ətrafındakılar” deyildikdə dünya əhalisi nəzərdə tutulmur, elə ərəblərin özlərinə işarə edilir. Sadəcə dindarlar bunu güya dünya əhalisinə aid etmək üçün tərcümədə “bütün başqa insanları” sözünü soxuşdururlar ora)))). İnsanları qorxutmaqla özünə qarşı itaətdə saxlayan tanrı, allah filan dediyiniz o xəyali varlıq bəs görəsən insanlara sevgi, mərhəmət, xoşbəxt anlar göndərmək üçün hansı dildə vəhy edir? Amma etiraf edin, tacir Məhəmməd içinizə elə bir qorxu salıb ki, ondan azadolmağa belə qorxursuz))). Din barədə düşünməyə, allah dediyiniz xəyalı varlığın var olub-olmamasını fikirləşməyə qorxursuz. Çünki, islam dini, Quran kitabı sizlərə ancaq qorxunu təbliğ edib. Siz heç Quran kitabında “sevgi” sözünə rast gəldinizmi? Amma kitab “qorxu” sözü ilə doludur))). Sevginiz və ağlınız bol olsun.