Qadın və tarla

Bu gün yəni, hər ilin 8 mart təqvim günü beynəlxalq qadınlar günü kimi qeyd edilir. Məhz bu gün dünyanın əksər ölkələrində kişili-qadınlı hamı istirahət edir, işə getmirlər. Bəs bu günün özəlliyi nədir? 28 fevral 1908-ci ildə Nyu-York sosial-demokrat qadın təşkilatının çağırışı ilə mitinq təşkil edilir və qadınların kişilərlə hüquq bərabərliyi şüarları önə çəkilir. Həmin gün 15 mindən çox qadın daha qısa çalışma saatı, kişilərlə bərabər əmək haqqı və səsvermə hüquqlarının olması tələbini irəli sürürlər.  

İlk Qadınlar Günü mərasimi 1909-cu ilin 28 fevralında Nyu Yorkda baş tutmuşdur. Bu Amerika Sosialist partiyası tərəfindən Beynəlxalq Qadın Tikiş İşçiləri Birliyinin 1908-ci ildəki tətilinin yada salınması münasibətilə təşkil olunmuşdur. 1909-cu ildə isə Avropadaki qadınlar, fevral ayının son bazar gününü qadın günü olaraq keçirmişlər. 1910-cu ildə Danimarkanın Kopenhagen şəhərində keçirilən Qadın Sosialist İnternasionalının qurultayında 1857-ci ilin 8 martında Nyu-Yorkda başlayan mübarizənin qadın hüquqlarının genişləndirilməsi və qadın həmrəyliyinin simvolu olaraq Klara Setkin adlı kommunist qadın, Amerikada 8 martda yandırılaraq öldürülən 129 qadın işçinin xatirəsinə hər il 8 mart gününü Dünya Qadınlar Günü olmasını təklif edir və bu təklif qəbul edilir. Bax beləcə, o zamandan üzübəri dünyanın əksər ölkələrində hər il 8 mart günü qeyd edilir. Məhz bu gündə qadınlara daha çox xüsusi diqqət göstərilir, hədiyyələr alınır və sairə. Əgər diqqət etsəniz görərsiz ki, islam ölkələrində qadınlar günü qeyd edilmir. Və qadınların zülmə məruz qaldığı, aşağılandığı, hüquqlarının pozulduğu ölkələr də məhz elə islam dininin hökmüran olduğu ərazilərdir. Dindarlar nə qədər islamda qadınlara verilən dəyərdən danışsalar da reallıq başqa mənzərəni göstərir.  Qızların erkən yaşdan ərə verilməsindən tutmuş, döyülmələrinə qədər qeyri-insani hərəkətləri islamın hökmüran olduğu ölkələrdə müşahidə edtmək mümkündür. Texnologiya əsrində bunları görmək üçün həmin ölkələrə getmək lazım deyil. İnternetdə, sosial şəbəkələrdə bu barədə çoxlu videolar izlənilməkdədir. Bəs o tiplər bu cürrəti, yönətimi hardan alırlar? Əlbəttəki “Quran” kitabından! Terrorçudan başlayaraq, arvadının üzünə kislota töküb yandıran ərə qədər bütün islamçıların istinad mənbəyi məhz o kitabdır. Hansıki ona əsaslanaraq arvadlarını döyürlər, cəza üsulu olaraq insanları asırlar, daşlayırlar, bədən üzvlərini kəsirlər, cihad edib qanlar tökürlər və sairə.

Həmişə olduğu kimi gəlin müqəddəs hesab etdiyiniz “Quran”a nəzər salaq və ayətlərdən nümunələrə baxaq. Görək sizin üçün müqəddəs olan, normal insana görə isə adi kağız parçalarından ibarət həmin kitabda qadına necə dəyər verilir.

Bəqərə surəsi 223-cü ayəti oxuyaq:  “Qadınlarınız sizin tarlanızdır. Buna görə də istədiyiniz tərəfdən və istədiyiniz zaman  öz tarlanıza gəlin! Özünüz üçün qabaqcadan hazırlayın! Allahdan qorxun və onun hüzuruna gedəcəyinizi bilin! İman gətirənlərə müjdə ver”!  Burada açıq aydın mesaj verilir ki, qadını necə gəldi istismar etmək olar. O sizin tarlanızdı, o sizin kölənizdir.  

Nisa surəsi 34-də isə qadınların kişilərlə bərabər olmadığı və kişilər tərəfindən döyülmək şanslarının olduğu bildirilir: “Kişilər qadınlar üzərində ixtiyar sahibidirlər (onların hamisidirlər). Bu, Allahın onlardan birini digərinə üstün etməsi və (kişilərin) öz mallarından (qadınlar üçün) sərf etməsinə görədir. Əməlisaleh qadınlar (ərlərinə) itaət edib Allahın himayəsi sayəsində gizli şeyləri (ərlərinin sirlərini, mal-dövlətini, namus və şərəfini) qoruyub saxlayırlar. (Ey kişilər!) Özbaşınalıq etmələrindən qorxduğunuz qadınlara nəsihət edin, (yola gəlməzsə) onlardan yatağınızı ayırın və döyün! Sizə itaət etdikdə isə daha onlara (əziyyət vermək üçün) başqa yol axtarmayın. Əlbəttə, Allah ucadır, böyükdür”!

Bax budur islamın qadına verdiyi dəyər. Döymək, onlar üzərində hökmüranlıq etmək və sairə. Hanı bəs islam şiddətə, zorakılığa qarşı idi? Mərhəmət və barış dini idi? Ədalətli, rəhmli adlandırdığınız allahın vəhyindən də belə sözlər çıxarmı? Təbii ki, Məhəmməd yeni din və kitab yaratmaq iddiasına düşərkən çox şeyi hesablasa da səhvlər buraxmayacağına heç kim zəmanət verə bilməzdi. İnsanlığa və ümumilikdə dünyaya terror, vəhşilik, zorakılıq, köləlik kimi töhfə deyil, mədəni sivil inkişaf üçün yaxşı töhfə verə bilməyən bir din və onun kitabı artıq çoxdan paketlənib arxivə göndərilməli idi. Ancaq bu gün onun ayaq açması nə ilahi qüvvə, nədəki ona qarşı olan sevgidir. Sadəcə başbilənlərə kütləni idarə etmək üçün vasitə olaraq lazım olduğu üçün yaşadılır və genişləndirilir. Nəticədə zərbə qadınlı-kişili sağlam düşüncəli insanlara dəyir. Zərbələrdən uzaq olun və həmişə yanımızda yer alın əziz qadınlar. Bayramınız mübarək olsun)).