Cəhənnəmə gedənlər

Qorxulu nağıl kitabları xarakterində olan “Quran” kimlər üçünsə müqəddəs hesab edilsə də, bəzilərinə görə isə adi, əlaqəsiz söz yığınından başqa bir şey deyildi. “Quran”ı oxuyarkən Məhəmmədin və onun uydurduğu “allah”ın eqoistliyi, hegamonluğu, insanlara yuxarıdan aşağı baxma prinsipi adamı bezdirir. Bu dini və kitabı sevmək üçün stimul vermir. “Quran”a görə allahın insana qarşı münasibəti heç də xoş deyil.  Yenə də konkret ayətlərlə dediyimizə aydınlıq gətirək. Hud surəsinin 119-cu ayəsində yazılır: “Rəbbinin rəhm etdiyi kəslər istisna olmaqla. Və onları elə buna görə yaratmışdır. Rəbbinin "Şübhəsiz cəhənnəmi cinlər və insanlarla büsbütün dolduracağam!" – kəlməsi qəti və tamam olmuşdur”. Və ya Səcdə surəsi 13-ə baxaq: “Əgər biz istəsəydik, hər bir kəsi doğru yola salardıq. Lakin Mən: "Cəhənnəmi mütləq bütün (günahkar) cinlər və insanlarla dolduracağam!" sözünü gerçək olaraq demişəm”!

 Baxın, uğurunda öldüyünüz və başlar kəsdiyiniz kitabda uyduğunuz allah söz verərək (bu bir növ and içmək kimidi) deyir ki, cəhənnəmi cinlər və insanlarla (guya günahı olan) dolduracam. Və cəhənnəmi elə buna görə də yaradıb. Bu qədər də sadistlik olarmı? Bu qədər də insana nifrət olarmı? Səcdə 13-dəki “Əgər biz istəsəydik, hər bir kəsi doğru yola salardıq” – cümləsi isə insanı heyrətə gətirməyə bilmir. Açıq-aydın deyilir ki, bilərəkdən bütün insanları doğru yola yönəltmirik. Yəni, belə edirik ki, cəhənnəmə gedəcək adamlar olsun. Allah əziyyət çəkib cəhənnəmi yaradıb. Və onu doldurub sadistlik edib zövq almalıdı. Belə başa düşülür ki, dindarların dili ilə desək, hər şeyi bilən və hər şeyə qadir allah əvvəlcədən kimlərin cəhənnəmə gedəcəyini bilirmiş və bilməsinə rəğmən onları yaradıb. Bəs hanı burda sizin allahınızın ədaləti? Mərhəməti? Əvvəlcədən cəhənnəmə getmək üçün yaratdığı varlıqlar ölənə qədər nə etsələr, ən böyük yaxşılığa imza atsalar belə demək ki, faydası yoxdu. Çünki, onlar hələ doğulmamışdan planlı şəkildə cəhənnəm üçün yaradılmışlar. Bəli, bunlar gülməli olduğu qədər də dəhşətlidir. Ona görə ki, adıçəkilən kitabda bu qədər sərsəmlik olmasına baxmayaraq ona itaət edənlər var. Kitabı oxumadan dinə “aşiq” olanların bu gün dünya əziyyətini çəkir. Onlar dünyanın tükənən resurslarının miqdarını azaltmaqla yanaşı terrorla, müharibə ilə də insanlığa ziyan vururlar. Düzdür, din dövlətlərin əlində həssas bir idarəedici vəsitədir. Ancaq ölkəmiz bu vəsitəni hər zaman ciddi nəzarətdə saxlamalıdı. Dindarlar öz axmaq dinləri ilə hər an ölkəmizin başına bəla ola bilərlər.

Bax beləcə, sadəcə. Dindən uzaq durmaq üçün “Quran”ı oxuyun.