Fərqli insan

İnanclı (dindar) insanlar dünyanın hər yerində olduğu kimi ateistlər də hər ölkədə mövcuddur. Hətta ən qatı islam ölkələrində belə ateistlər var. Ancaq həmin ölkələrin mediaları, sosial şəbəkələri bu tipli məlumatları, yəni, ateistlər barədə yazıları ictimailəşdirmirlər. Ateistlərin fəaliyyəti ilə bağlı xəbərlərin ictimaiyyətə çatdırılmasına imkan verilmir. Elə düşünürsünüz ki, Məhəmmədin torpağında - ərəb ölkələrində ateist yoxdur? Əlbəttə var. İslam yaranandan fərqli düşüncə ilə inkişaf edib. Məhəmmədin yaratdığı dini qəbul etməyənlər, dedikləri ilə razılaşmayanlar və hətta bu hərəkətinə görə ona dəli deyənlər də olub. Zaman keçdikcə islam ölkələrində islama qarşı olan fikirləri müxtəlif təzyiq vasitələrindən istifadə edərək boğmağa başladılar. Təsəvvür edin ki, Misirdə ərləri atesit olduğu üçün qadınlar onlardan boşanırlar. Bu “islamda məcburiyyət yoxdur” – tezisini alt-üst edən amillərdən biridi. Onlarla belə misal çəkmək olar. Misirli atesit Məhəmməd Ramazan deyir ki: “Əbədi cəhənnəm ideyası məni çox narahat edirdi. 9 yaşım olanda valideynlərimdən soruşdum ki, əgər orta hesabla 70 il yaşayırıqsa niyə allah bizi həmişəlik cəzalandırır”. Əslində beyni, şüuru olan insanların hamısında bu və ya digər suallar mövcuddur. Ancaq onlara təlqin edilmiş allah qorxusu hər şeyə qalib gəlir. Bir anlıq düşünün: islamçılar deyirlər ki, qeyri-müsəlmanlar kafirdirlər və cəhənnəmə gedəcəklər, orda yanacaqlar. Axı müsəlman olmayan yaxşı, mehriban, səxavətli, dürüst xarici vətəndaş olan tanıdıqlarımız var. Onlar niyə cəhənnəmə getməlidirlər? İnsan olmağın yolu dindar olmaqdan keçmir. Nə də yaxşı insan olmaq üçün dindar olmağa ehtiyac yoxdur. Sadəcə insan olun və din tacirlərinə aldanmayın.