Yalançı İran


Adam dəhşətə gəlir. Hansısa nağılbaşların səhvi ucbatından 150-dən çox insan həyatını doyunca yaşaya bilmədi və yarıda kəsildi. Söhbət yanvarın 8-də Tehran (İran) aeroportundan havaya qalxan Ukraynanın sərnişin təyyarəsinin məhv edilməsindən gedir. Məhv edilməsi ona görə deyirəm ki, İran hərbiçiləri (İran Hava Hücumundan Müdafiə Sistemi) sözegedən təyyarəni qanadlı raketlə dəyişik salıb və elə raketlə də vurub partladıblar. Bu da sizə Amerikaya və onun timsalında dünyaya meydan oxumaq istəyən mollaxana İran. Dünyaya qaloşdan və namaz möhüründən başqa töhvə verə bilməyən islam ölkəsi nüvə silahına sahib olmaq niyyətindədir. Gəlin bir anlıq düşünək: islam dövləti olan İran rəhbərliyi nüvə silahına malikdirlər. Bu nağılbaşlar, imam zaman quyusuna məktub yazıb ataraq oradan cavab gözləyən düşüncə sahibləri atəş düyməsinin yerini səhv salaraq dünyamızı məhv etməzlərmi? Və ya elə dindar aqresiyalarından, radikallıqlarından olmayan beyinlərini itirib bilərəkdən hansısa ölkəni vurmamalarına kim söz verə bilər?!  
Görün İran nə qədər utanmaz, riyakar bir rejimdir ki, özləri ədalərdən, doğruluqdan danışır, ancaq sərnişin təyyarəsini vurmasını iki gün gizlətdi. Bu sorunu üstündən atırdı və təyyarənin texniki hissəsinə bağlamaqla dünyanı aldatmaq istəyirdi. Alın, bu da sizə təmiz islam ölkəsi! Amma görəndəki dünya ölkələrinin kəşfiyyatı məlumatı dəqiqləşdirərək, yəni İranın adıçəkilən təyyarəni vurması məlumatının doğruluğunu öyrənib mətbuata çıxartdı, onda məcbur qalıb yanvarın 10-da ukraynaya məxsus sərnişin təyyarəsinin səhvən vurulmasını rəsmən etiraf etdi. Dindarlar iki gün dünyaya yalan danışdılar və doğru xəbəri gizlətdilər. Amma ağızlarını açanda dinin yalanı sevmədiyini deyirlər. İndi özünüz hesablayın: sizə din öyrədən bu ölkə din, "Quran", imam, zad adı ilə sizləri nə qədər aldadır?!

Yorumlar