Türkiyədə 90-cı
illərdən başlayaraq məşhurlaşan pop musiqiçi Harun Kolçak bildiyiniz kimi 19
iyul 2017-ci ildə vəfat etdi. Ölümündən sonra ona məxsus olduğu mübahisəli
sayılan vəsiyyəti sosial mediada dolaşmağa başlamışdı. Mübahisəli olduğuna
baxmayaraq ifaçının bir çox tanışları vəsiyyətin Haruna aid olduğunu söyləmişlərdi.
H.Kolçak vəsiyyətində bunları yazmışdı: “Bütün orqanlarımı bağışladığım üçün
böyük ehtimalla öləndən sonra məni sizə paketdə verəcəklər. O üzdən çox qurdalamayın
(paketi). Cəsədimi o paketlə torpağa basdırıb üzərinə bir ağac əkilməsini istəyirəm.
Məzar daşı, ad falan istəmirəm. Nə cənazəmdə, nə də ondan sonra 3-üydü, 7-siydi,
40-ıydı kimi bəhanələrlə yemək falan yeməyin. Mərasimləri bəhanə edib, yemək-filan
verməyin. Yox bunu çox sevərdi, yox canı üçün yeyək kimi saçmalıklarla
qarnınızı şişirtməyə bəhanə axtarmayın. Siz
ətli pide yeyin deyə ölmədim mən. Mənim canım üçün yediyiniz hər loxma
boğazınızda qalar. Biləsiniz.
Mövlud falan
bəhanəsi ilə xətim endirməyi, arxamdan yaxşılığım üçün dua falan etməyə
başlamayın. Yaşarkən etmədiyiniz yaxşılığı öləndən sonra etməyə çalışmayın. Aldada
bilmərsiz. Mütləq birilərinə yemək vermək istəyirsinizsə, küçə heyvanlarına
verin. (Bu, ən dəqiq istəyimdir.)
Mənim
malım qiymətlidir. Heç bir əşyamı heç bir tanışıma verməyin. Geyimlərimi sosial
xidmətlərə, ya da kasıblara verin. Digər əşyalarımı atın, ya da yandırın. Məndən
geriyə heç bir şey qalmasın. Məni tanıyanlar yaxşı bilir ki, bir az çox açıq
sözlüyəm. O üzdən könlüm istər ki hamınızdan öncə ölüm. Sonraya qalıb da kiminsə
ölüsü ilə falan əlləşən deyiləm. Arxamdan istədiyiniz qədər danışa bilərsiz. Rahat
olun. Sizinləmi məşğul olacam. Nə gözəl ölmüşəm.
Və… bəli.
Heyvanları insanlardan daha çox sevirəm. Bu da sizə son sözüm olsun”.
Yorumlar
Yorum Gönder