PolisWoman

Bildiyiniz kimi bu gün, yəni 08.10.2019-cu il tarixində saat 15:00-dan 16:00-dək  Azərbaycan Xalq Cəbhəsi Partiyasının və Demokratik Qüvvələrin Milli Şurasının fəalları və təşkilatçılığı ilə Bakı Şəhər İcra Hakimiyyətinin yaxınlığında əvvəlcədən dövlət qurumlarından icazəsi alınmış piket keçirildi. Ancaq yenə də həmişə olduğu kimi polis zorakılığı kameralardan yan keçmədi. Hətta yoldan gedən dinc sakinləri də tutub polis maşınına basıblar. Bu qədər zorakılığa nə əsas var? İcazəli piketdi. Gəlib şüarlarını səsləndirib çıxıb gedəcəklər. Orda gecələyəsi deyillər ki? Ola bilməz ki, bunu polisə əmr verənlər bilməsinlər. 

İndi də təzə metod kəşf ediblər. Aksiyada, mitinqdə qadın iştirakçıları sürümək üçün qadın polisləri gətirirlər. Videodan da göründüyü kimi qız polislər qadını yerdə sürütmə çəkirlər. Zorakılıq çıxış yolu deyil. Buraxın insanlar konstitutsion hüquqlarından istifa etsinlər. Demirsiz ki, xalq Yeni Azərbaycan Partiyasını dəstəkləyir, lap yaxşı. O zaman niyə təşvişə düşürsüz ki? Buraxın yığışıb şüarlarını səsləndirib, dağılışsınlar. Xalq sizin tərəfinizdə olandan sonra heç bir şüar sizin kreslonuzu laxlada bilməz. Əslində zorakılıq etməklə imicinizi daha tez və çox korlayırsız. Bəlkə də polisə deyilib ki, gedin piketi kənardan izləyin və asayişi qoruyun. Amma bunlar cinsinə baxmadan hamıya zor tətbiq edirlər. Bir az sivil olun!