Mərhəmət oyunu

Oxuyanlar bilir ki, “Quran”da surələr “bismilləhir rahmənir rahim” sözləri ilə başlayır. Azərbaycan dilinə tərcüməsi belədir- “mərhəmətli, rəhmli allahın ad ilə”. Allah kitab göndərir və hər surəni öz adı ilə başlayır. İndi deyəcəksiz ki, bəs nə ilə başlasın. Baş sındırmağa ehtiyac yoxdu. Sadəcə bir tərəfdən başlasın və bitirsin. Təsəvvür edin, mən bir kitab yazıram və hər hekayətin başlanğıcında bu sözləri qeyd edirəm: “mərhəmətli və bağışlayan Seymurun adı ilə”. Bu eqoistlik və gicbəsərlik olar. İndi keçək əsas məsələyə. Hər surə başı yazılan mərhəmətli və rəhmli allahın rəhm və mərhəmətini harda görürsünüz? Təbiətə nəzər salın. Müşahidə edə bilmirsizsə, onda təbiət kanallarını izləyin. O zaman görəcəksiz ki, yaşadığımız planetdə heyvanlar bir-birini yeyirlər. Biri digərinin balasını yuvasında ikən dişlərinə çəkir. Digəri ilk fürsətdə südverən ananın boğazından yapışıb həyatına son qoyur. Burada allahın mərhəməti haradadı? Dünyada minlərlə insan cinsinə və yaşına baxmadan digər insanlar tərəfindən təcavüzə, zorakılığa, ədalətsizliyə uğrayır, qəddarlıqla öldürülür. Allah niyə mərhəmətindən onlara ayırmır bəs?

Bu dindar başlar öz ağıllarınca allahın rəhimliliyini, bağışlayan və mərhəmətli olduğunu bilirsiz harda hiss edirlər? Kilsə, məscid tipli ibadətgahlarda. Yəni, bütün ilboyu hər türlü pis işlərə qol qoyurlar və sonra həftə sonu məscidə gedib allaha günahlarının bağışlanması üçün yalvarırlar. Bulunduğu yerdən çıxanda isə qımışırlar)), fikirləşirlər ki, allah bütün günahlarını bağışladı. Bax adamlar allahın mərhəmətini öz düşüncələrinə görə orada “hiss edirlər”. Hələ siz Məkkəyə həccə gedib gələnləri görəsiz. Elə bil cənnət onlarındı)). Ömür boyu yüz oyundan çıxırlar, sonra gedib Məkkədə kvadrat tikilinin başına fırlanıb gəlirlər. Bununla rahatlaşırlar. Fikirləşirlər ki, allah rəhm edib onları bağışladı)). Təbii ki, heç bir allahdan söhbət gedə bilməz. Allah yoxdursa, nəinki onun kitabı, heç mərhəməti belə yoxdur. Ona görə də özünüzü və başqalarını aldatmayın. Sadəcə həyatınızı yaşayın. Bax, əsl rahatlıq budur.