“Halal”a gəl ay müştəri

İstehsalçılar müsəlman dindarların dayaz düşüncələrindən məharətlə istifadə edirlər. Məhsul istehsal edib üzərinə "halal" etiketi vurmaqla asanlıqla müsəlmanların sevimlisinə çevrilə bilirlər. Ölkəmizdə buna ehtiyacın yaranması dindarların sayının artmasıdı. İstehsalçılar çox gözəl anlayırlar ki, olmayan allaha, yaradılmış dinə inanan insanları istehlakçı kimi bu yolla cəlb etmək olar. Yetər ki, məhsulun üzərinə “halal” etiketi vurulsun. Məhz ona görədir ki, biznes məqsədi güdən halal məsələsi öz sahəsini genişləndirib. Kolbasanın, qatığın üzərinə “halal” yazıb satan istehsalçı gəlirini artırmaq üçün bunu digər sektorlara da niyə tətbiq etməsin ki!? Və edirlər də. Artıq halal söhbəti qida məhsullarından kənara çıxaraq xidmət və geyim sektorlarına da vüssət açıb. Halal çimərlik, halal otel, halal restoran, halal şalvar, halal ayaqqabı və s. yaradaraq başıboş dindarları müştəri qismində cəlb edirlər. Tanıdığım dindar adam var ki, dərmanı filan aptekdən alır. Deyir ki, o halal aptekdi. Nədi, nədi aptekin adı dini ad daşıyır))). Və ya adam var ki, dini ad altında çayxana açır. Bir az reklam edir və əmindir ki, hədislərdən sitatlar gətirən toplumun nümayəndələri müştəri qismində məkanına təşrif buyuracaqlar. Dindar olan kəslər bir dəfə düşünmürlər ki, haram otel və ya haram ayaqqabı bəs necə olur? Bu düşüncə sahibləri ilə sivil cəmiyyəti necə qurmaq olar? Düşüncə tərzi dəyişmədən heç bir normal cəmiyyətdən söhbət gedə bilməz. “Halal” etiketi yazılmış məhsulu almaq arxasınca məsafələr qət edən toplumun, Kərbala torpağını yeməklə şəfa tapacağına inanan xalqın haqqını əlindən al susacaq, istismar et, ac saxla dinməyəcək və istənilən şəkildə idarə edilməsinə baş əyəcək. Amma “Quran”dan bir ayə yazıb onu Məhəmmədin öz məqsədləri üçün “göylərdən endirdiyini” desən, sənə kafir deyib başına oyun açarlar. Səni cəmiyyətdən yox etməyə hər an hazırdırlar.

  Yuxarıda şəkildə gördüyünüz "Sleepy" pampersidi. Türkiyə istehsalıdı. Hamımız bəzi yeyinti məhsullarının üzərində "halal" sözünü görmüşük. Amma pampersin üzərində "halal" yazılması çox gülməlidi))). Dediyim kimi, istehsalçı "halal"ı hara gəldi vurur)). Buna səbəb isə dindarların sayının ölkəmizdə çoxlamsıdı. Ancaq fikirləşmirlər ki, bir şeyinki içərisinə uşaqlar "zad" edirlər, bunun halal və ya harama nə dəxli var?) Maraqlıdır, bəs halal olmayan pampers necə olur?)))))