Ölkəmizdəki mitinqlərlə
bağlı sosial şəbəkələrdə onlarla video var. Diqqətimi çəkən məqamlardan biri saqqallı
bir oğlanın 19 oktyabr mitinqinə çağırış etməsi oldu. Adam vətəndaşlara ilk bu
sözlərlə səslənməyə başlayır: “Hicabımız açılıb, namaz əlimizdən alınıb”. Bu
söz iftiradı. Bu onu göstərir ki, həmin adamın Azərbaycandan xəbəri yoxdu. Xəbəri
olsaydı bilərdi ki, ölkədə namaz qılan və hicablı kütlənin sayı hər gün artır.
Və həmin dindarlar hakimiyyətdən də çox razıdırlar. Düzdü, Azərbaycanda din
dövlətdən ayrıdı, amma tolerantlıq falan deyərək, hakimiyyət tərəfindən
dindarlara münbit şərait yaradılıb. Hər yerdə bir məscid tikirlər. Hətta qız
uşaqlarının dini geyimdə məktəbə getməsinə dövlət göz yumur. Hakimiyyəti dəstəkləyənlərində
böyük qismi Allahşükür Paşazadə başda olmaqla elə dindarların özləridi. Mövcud hakimiyyət
din və dindarlar üçün maneə deyil. Əksinə, hər gün sayları artan nağılbaş
dindarlar cəmiyyət və dövlət üçün təhlükədir. Cəmiyyətimizi geriyə sürükləyən,
evdən kənarda hər addım başı rast gəldiyimiz həmin dirdarlar onların düşüncəsinə
anti olan şəxslər üçün də təhlükə varlıqlarıdırlar. Əslində dövlətin onlara bu
qədər şərait yaratmasının tərəfdarı deyiləm. Çünki, həmin nağılbaş kütlə bir
müddət sonra ölkədə şəriət qayda-qanunlarının tətbiq edilməsini istəyəcəklər. Axı
belə təhlükə ilə üzləşməyi dövlət niyə riskə alsınkı!?
Bəllidir ki, din
yarandığı gündən kütlənin idarə edilməsində müstəsnasız rola malik olub. Müxalifətin
dini manevrlər edərək tərəfdaşlarının sayını artırmaq və dəstəkçi toplamaq məqsədi
tam mənasız və gərəksizdi. Sağlam düşüncəsi olmayan kütlədən elektorat yaratmaq
olmaz. Olsa da belə, onlar yolun istənilən hissəsində öz şəriətlərinə qayıdaraq
sizi məğlub edəcəklər. O siyasi lider ki, dindarlara çağırış edib onlardan
imdad umur, ən zəif siyasətçidir. İnkişaf etmiş ölkələr dini məbədlərə abidə,
muzey, dinə isə gəlib-keçmiş mədəniyyət kimi yanaşdığı halda sizlər hələ ondan
ümid umursuz. Yəni, siz müxalifətçilər bu qədər aciz və zəifsiniz ki, ölkədə
yaşayan dindarlardan kömək istəyirsiz? Başa düşürəm, ölkədə sayı artan
dindarlardan özünüzə tərəfdaş toplayıb yararlanmaq istəyirsiz. Ancaq mənasızdı.
Dindarlar aşuradan başqa tədbirə toplaşmır və Hüseyndən savayına ağlamırlar. Digər
tərəfdən isə ölkədəki dindar kütlə hazırkı rejimdən razıdır. “Hicabımızı əlimizdən
aldılar”, “namaz qılmağa qoymurlar” falan boş cəfəngiyyat danışmaqdansa,
mübarizə metodunuzu yeniləyən. Hə, birdəki söyüşsüz, təhqirsiz mübarizə üsuluna
keçin. Bəlkə onda tərəfdaşlarınızın sayı arta.
Yorumlar
Yorum Gönder