“Quran”da insan necə təhqir olunur?

Azərbaycanda dindar təfəkkürlü adamların böyük hissəsi "Quran" kitabını azərbaycan dilində oxumurlar. Təsir altına düşüb və ya işdə müdirinə xoş gəlməsi üçün dinə girənlər bu qrupda daha çox yer alırlar. “Quran”ı öz ana dillərində oxumağı günah sayırlar. Deyirlər ki, əsl "Quran" ərəb dilindədi. Və yaşlarına-başlarına baxmayaraq ərəb hərflərini öyrənib anlamadıqları dildə and içdiklıri kitabı kəkəlləyə-kəkəlləyə oxuyurlar. Üstəlik belə düşünürlər ki, mənasını başa düşməsələr də ərəbcə oxuduqları üçün günahları bağışlanır və çoxlu savab bonusları toplayaraq cənnətə düşmək şanslarını artırırlar)).

Bu bəxtəvərlər, biət etdikləri kitabı ana dillərində oxusaydılar fanatik dindarlıqdan canları qurtarardı və başa düşərdilər ki, inandıqları nağıl kitabı terroru, şiddəti təbliğ etməklə yanaşı insanları alçaldır və təhqir edir, “yaratdığı” heyvanları sevmir. Bu dediyimi izah etməkdən ötrü “Quran”dan ayələr göstərəcəm. Başlayaq muddəssir surəsi 50-dən. Yazılır: “Onlar sanki vəhşi eşşəklərdir.”

“Quran”a görə burada allah eşşək dedikdə, namaz qılmayanları, axirətə, tanrıya inanmayan insanları nəzərdə tutur. Cinsiyyəti bilinməsə də qüsursuz, hər şeyi bilən obrazında cəmiyyəyə təqdim edilən “allah” necə oldu ki, “yaratdıqları içərisində ən gözəli və mükəmməli olan insana” qarşı belə sayğısız davrandı? Ona inanmayanı, onun varlığını yox hesab edənləri təhqir etməlidirmi? Bəs o zaman harda qaldı dedikləri allahın ədalətliliyi və ədəbiliyi? Digər tərəfdən allah “yaratdığı” eşşəyi niyə sevmir? Eşşəyə pis, alçaldıcı varlıq kimi yanaşaraq xoşu gəlməyənləri ona bənzədir. Özünü müsəlman hesab edən yoldaşlar, niyə bir dəfə özünüzə sual vermədiz ki, allah eşşəyi sevmirdisə niyə onu yaradıb? Məhz, “Quran”ın zibilidir ki, islam ölkələrində eşşəyə pis varlıq kimi baxılır. Adamların kimdənsə xoşu gəlməyəndə və ya acıqlananda qarşı tərəfi “eşşək” adlandırır. Bundan əlavə islam ölkələrində müsəlmanların eşşəyin üzərinə İsrail bayrağını çəkərək heyvanı yandırdıqlarının video görüntülərini sosial şəbəkələrdən əminəm ki, izləmisiz. Amma halbuki, eşşək qədər sakit və zəhmətkeş heyvan yoxdur. Təbii ki, “Quran” deyib, öpdüyünüz kitab Məhəmmədin öz məhsuludu.  O da ağzına gələni, əvvəlkilərdən oğurladığı mətnlər əsasında sözügedən kitabı yazıb.    

 Bəqərə surəsi 18-ci ayəni oxuyun: “Onlar kar, lal və kordurlar (haqqı eşitməz, danışmaz və görməzlər). Buna görə də (öz pis adətlərindən, yaramaz əməllərindən) dönməzlər.” İndi bu nəyin istehzasıdı? Yaradır və sonra da yaratdığına lağ edir))). Təbii ki, bunlar hamısı Məhəmməd müəllimin kin-küdurəti, insanlara və heyvanlara qarşı olan münasibətidi.

Həmin surənin 171-ci ayəsinə diqqətinizi çəkmək istəyirəm: “Kafirlər səda və nidadan (çığırtı və bağırtıdan) başqa bir şey anlamayanlara (heyvanlara) bənzərlər. Onlar kar, lal və kordurlar. Buna görə də haqqı dərk etməzlər.”

Tövbə surəsi 28-də deyilir: “Ey iman gətirənlər! Müşriklər (batinləri xəbis, etiqadları puç və iyrənc olduğuna, su başına çıxdıqdan sonra yuyunmadıqlarına, dəstəmaz almadıqlarına və cənabət qüslü etmədiklərinə görə), doğrudan da, murdardırlar. Özlərinin bu ilindən (hicrətin doqquzuncu ilindən) sonra Məscidülhərama yaxınlaşmasınlar. Əgər yoxsulluqdan (ehtiyacdan) qorxursunuzsa, (bilin ki) əgər Allah istəsə, öz nemətindən (verib) sizi mütləq dövlətli edəcəkdir. Allah (hər şeyi) biləndir, hikmət sahibidir!”

Araf surəsi 179-da söylənilir: “Biz cinlərdən və insanlardan bir çoxunu cəhənnəm üçün yaratdıq. Onların qəlbləri vardır, lakin onunla (Allahın birliyini sübut edən dəlilləri, özlərinin dini borc və vəzifələrini) anlamazlar. Onların gözləri vardır, lakin onunla (Allahın möcüzələrini) görməzlər. Onların qulaqları vardır, lakin onunla (öyüd-nəsihət) eşitməzlər. Onlar heyvan kimidirlər, bəlkə də, (ondan) daha çox zəlalətdədirlər. Qafil olanlar da məhz onlardır!”

Bu hələ Quran kitabından seçdiyim bəzi ayələrdi. Gördüyünüz kimi kitab islama inanmayanlara qarşı hədsiz dərəcədə kinlə doludu. Məhəmmədin yaratdığı allahı qəbul etməyəni təhqir edib alçaldırlar. Eyni zamanda heyvanlara qarşı da münasibət xoş deyil. Məhəmmədin gözündə heyvanlar dünyanın ən pis canlısı olduğuna görə onun yaratdığı dini qəbul etməyənləri heyvanlara bənzədərək alçatmaq istəyib. And içdiyiniz və əl vurmağa qorxduğunuz Quran kitabını öz ana dilinizdə oxuyun və oyanın. Kiminsə sizə nağıl danışmasına, dinin təsirinə salmasına icazə verməyin.