Qadın kimi...

İslam ölkələrində (guya) günah etmiş qadınlarla bağlı yutubda bir neçə video izlədim. Ancaq  heç birinə axıra qədər baxa bilmədim. Dəhşətə gəldim. Qadını yerə yıxıb daşla vururdular. Qandondurucu səhnədi. Yaddaşda uzun müddət qalaraq insana əzab verən görüntülərdi. Mənzərədəki şiddət yüksək olduğu üçün sözügedən videoları bura yükləmədim. Qadınları vəhşicəsinə daşlayaraq öldürən həmin adamlara bu əsası isə “islam” dini və “Quran” kitabı verir. İslamçılar, yəni bildiyimiz dindarlar üçün hüquq anlamı yoxdu. Onlar hüquqi dövlətdə yaşasalar da beyinlərində şəriət qaydaları fırlanır. Quran -  tam bir terror, vəhşiliyi təbliğ edən kitabdı. Mənə inanmırsızsa, səcdə etdiyiniz o kitabı açıb bir-iki dəfə oxuyun. Mövzu qadın olduğuna görə birbaşa ayəyə keçib iki nümunə verəcəm.

Nisa surəsi 34: “Kişilər qadınlar üzərində ixtiyar sahibidirlər (onların hamisidirlər). Bu, Allahın onlardan birini digərinə üstün etməsi və (kişilərin) öz mallarından (qadınlar üçün) sərf etməsinə görədir. Əməlisaleh qadınlar (ərlərinə) itaət edib Allahın himayəsi sayəsində gizli şeyləri (ərlərinin sirlərini, mal-dövlətini, namus və şərəfini) qoruyub saxlayırlar. (Ey kişilər!) Özbaşınalıq etmələrindən qorxduğunuz qadınlara nəsihət edin, (yola gəlməzsə) onlardan yatağınızı ayırın və döyün! Sizə itaət etdikdə isə daha onlara (əziyyət vermək üçün) başqa yol axtarmayın. Əlbəttə, Allah ucadır, böyükdür!”

Bəli, oxuduğunuz kimi, Məhəmməd müəllimin düzəltdiyi allah deyir ki, qadınlar sözünüzə baxmasa döyün. Dinçilərin tərzində danışsaq, bu bir növ qadınların öldürülməsinə işarədi. Bax belə: Döymək üçün nə etmək lazımdı? Vurmaq lazımdı! Əllə, təpiklə və ya daşla, və ya əlinə nə keçdi onunla. Qadını vurduqda onun harasına dəyəcək, yoxsa qadın vurulmanın təsirindən yıxılıb hara dəyəcək bəlli deyil. Bəs öldürmək üçün nə edirlər? Yenə də vururlar! Döymək məqsədi ilə vurulan zərbə ölümcül ola bilər. Həmçinin vurulan zərbədən qadın yıxılaraq başını sərt bir şeyə çarpıb ölə bilər. Deməli, nəticə budur: “Quran” kitabı vəhşiliyi, şiddəti, ayrıseçkiliyi təbliğ edir.

Bəqərə surəsi 223-də isə qadına mal-mülk kimi yanaşılır. Hər şeyi bilən və hər şeyə qadir Allah qadınları niyə tarlaya, zəmiyə bənzətsinki!? Hardan istəyirsən şumla, nə istəyirsən ək. Sözügedən ayəni oxuyaq: “Qadınlarınız sizin tarlanızdır. Buna görə də istədiyiniz tərəfdən və istədiyiniz zaman öz tarlanıza gəlin və özünüz üçün qabağa (savab) göndərin. Allahdan qorxun və bilin ki, həqiqətən onunla görüşəcəksiz. Mömünlərə müjdə ver.”

Normal, düşüncəsi və ağlı yerində olan qadın inanmıram ki, “Quran”ı oxuyandan sonra islama qarşı sevgisi itməsin. Küçədə gördüyümüz və ya qonşuda yaşayan çadralı qadınlar bir dəfə olsun müqəddəs saydıqları kitablarını oxumayıblar. Acınacaqlı hal odur ki, bu adamlar öz ana dillərində “Quran”ı oxumurlar, boş beyinlərini yorub ərəb hərflərini öyrənərək kitabı ərəbcə oxumağa cəhd edirlər. Onların düşüncəsinə görə azərbaycan dilində “Quran”ı oxumaq günahdı və ərəbcə oxuduqda günahları bağışlanacaq və birbaşa cənnətə uçacaqlar. Əgər mən belə adamlar tanıyıramsa, deməli sizlərin də ətrafında belələri var. Hər gün çoxalmalarına baxmayaraq, ölkəmizi şəriətçilərə buraxmamalıyıq və dindarların nağılı ilə yuxulayan xalqı maarifləndirmə yolu ilə oyatmalıyıq. Uğurlar!