Yazılarla döyünən ürək

Hər ilin bu günündə, yəni avqustun 5-də Rafiq Tağı bir daha yada düşür, insanlar onu və onun yazılarını, hekayələrini, həyatını təkrarən xatırlayırlar. Bu həmən Rafiq Tağı idiki 1950-ci il avqustun 5-də Masallı rayonunun Xoşçobanlı kəndində dünyaya göz açmışdır. İxtisasca həkim olsa da, özünün dediyi kimi ona yazıçılıq asan idi. Özünü yazıçı kimi də cəmiyyətə tanıtmış və təsdiqləmişdi. “Zəkama sığmayan şeyləri qəbul edə bilmərəm. Məsələn, dinlər mənim zəkama sığmır”- deyən, Rafiq Tağının dinlər barədə yazıları cəmiyyətin gözünü açsa da, digər tərəfdən dindarların xoşuna getmirdi. Məhz buna görədir ki, yazıçı 2006-cı ilin noyabrında “Sənət qəzeti”ndə çap edilən “Avropa və biz” məqaləsinə görə dindarların şikayətinə əsasən həbsə atıldı. O, Azərbaycan Respublikası Cinayət Məcəlləsinin 283-cü maddəsi (milli, irqi və dini ədavətin qızışdırılması) ilə təqsirli bilinmişdi. Azərbaycan Respublikasının prezidenti İlham Əliyevin 28 dekabr 2007-ci il tarixli əfv fərmanı ilə azadlığa buraxılan yazıçı dövrü mətbuatda çap olunmağa davam etdi. O zamana qədər ki, bir payız gecəsi tanımadıqları adamlar onu bıçaqla vurdular. Beləki, 2011-ci il noyabrın 19-da evinə qayıdarkən naməlum şəxslər tərəfindən bıçaqlanır. Bir neçə bıçaq zərbəsi alan Rafiq Tağı əməliyyat olunsa da onun həyatını xilas etmək mümkün olmur. O, 2011-ci il noyabrın 23-də ürək döyüntüsünü dayandıraraq həkim, maarifçi, ziyalı, yazıçı-publisist, deist kimi yaddaşlara köçür. Qeyd edək ki, “Avropa və biz” yazısından sonra iranlı ayətulla Fazil Lənkərani onun haqqında ölüm fətvası vermişdi. Rafiq Tağının qətlindən sonra Fazil Lənkəraninin oğlu ayətulla Məhəmməd Cavad Lənkərani atasının rəsmi saytında bəyanat yayaraq yazıçını vuran qatil barəsində “islam müqəddəslərini təhqir etmiş bir fərdi cəhənnəmə yola salan şəxsə Allah tərəfindən böyük mükafat veriləcəyini” yazmışdı. Bu açıq-aydın Rafiq Tağının dindarlar tərəfindən qətlə yetirildiyini göstərirdi. Lakin yazıçının ölümü dinlər barədə düşüncələrdə müsbət dəyişiklik yaratmadı. Təqiblərə, təyziqlərə və təhqirlərə baxmayaraq cəmiyyətdə ateist və deist düşüncəli insanlar yoxa çıxmadılar. Yazıçının qətli gözləri qorxutmadı, dinlər barədə həqiqəti yazanları geri çəkdirtmədi. Bu hadisə ateist düşüncəli, Rafiq Tağı fikirində olanların hər birinin başına gələ bilər və belə bir ehtimal böyükdür. İslamın saxta və təhlükəli olmasını, dindarların cəmiyyət üçün bəlaya çevrilməsini, mollabaşıların din adı altında biznes qurub varlanmasını yazmaq, söyləmək insanları aydınlatmaq deməkdir. Həyatımı hər an təhlükədə hiss edirəm. Dini baxışıma görə təyziqlərə və təqiblərə məruz qalsam da, Məhəmmədin islam dini adı altında dünyaya gətirdiyi düşüncənin təhlükəsi və saxtalığı barədə maarifləndirici yazılarımı davam etdirəcəm. Beyninizi heç zaman din tacirlərinin tərəzisinin üstünə qoymayın. Oxuyun və düşünün. Suallar verin, cavabını axtarın. Məhz dindarlar sizi aldadaraq həyatınızı məhv etməsin deyə, Rafiq Tağı öz yazıları ilə həyatını qurban verdi. Zəkanız açıq olsun.