Xəbərlərdən
də bildiyiniz kimi Ukraynanın yeni seçilmiş prezidenti Vladimir
Zelenski Mixail Saakaşviliyə Ukrayna vətəndaşlığını geri qaytardı. Bilməyənlər üçün çox qısaca onu deyim ki, Saakaşvili
Ukraynanın keçmiş prezidenti Petro Poroşenko tərəfindən ölkəyə dəvət edilmiş, vətəndaşlıq
verilmiş və Odessa qubernatoru vəzifəsinə təyin edilmişdi. Sonradan Saakaşvilinin
demokratik islahatlarının ona sərf etmədiyini gördükdə Poroşenko onu həbs
etdirməyə cəhd etdi. Alınmadıqda isə vətəndaşlığını ləğv edərək olkədən çıxartdı.
Ancaq indi dünyanın müasir demokratik lideri hesab edilən şəxsi Zelinski öz
yanına, komandasına qaytardı. Nəticədə Saakaşvili 29.05.2019-cu il tarixdə
axşam Ukraynaya geri döndü. Təbii ki, ona mühüm vəzifə də veriləcək. Bütün bunlar
Ukraynanı Avropa ölkələri sırasına qoşmaq məqsədi daşıyır. Saakaşvilinin geri dönüşünün
videosunu izlədim. Heyrətə gəldim. İnsanlar onu Kiyevin Borispol hava limanında
necə sevinc dolu izdihamla qarşılayırdılar. Ora gələn və gəlməyən insanlar
Saakaşviliyə ümidlə deyil, inamla baxırlar. Onlar inanırlar və əmindilər ki,
Zelenski bu dahi şəxslə birgə ölkələrini hərtərəfli inkişaf etdirəcək və
Ukraynada Avropa yaradacaqlar.
Elə həmin
gün, yəni 29 may tarixində sosial şəbəkələrdə və Azərbaycanın xəbər saytlarında
mahnı oxuyan Damlanın (yox bir damcı) videosu qarşıma çıxdı. Azərbaycan
rayonlarının birində oxumağa cəhd edən bu qadının üzərinə kütlənin cumması və
onlarla polisin onu qoruması mənzərəsi məni dəhşətə gətirdi. “Aclıq olsun, kef
olsun” düşüncəsi ilə yaşayan millətdən bundan artığını gözləmək ağılsızlıqdı. Meyxana
və dinbaş təfəkkürü ilə yaşayan cəmiyyətin sosial qayğılar, sivil, mədəni ölkə,
idarəetmə üsulu veclərinə deyil. Damla üçün izdiham yaradanları araşdırsanız
kredit borcu olan, işsiz, sosial çətinliklərin illərlə yığılmış damlasından
yaranan çoxluqda boğulan kütləni görəcəksiz. Amma onlara bu ləzzət edir. Zövq alırlar.
Çoxluq millətdə olduğu üçün istənilən müdaxiləyə baxmayaraq, müqəddəratı xalq həll
edir. Tanıdığınız ölkələrdən Ukrayna, Gürcüstan, Ermənistanı buna misal çəkə
bilərik. Millətin zay olması barədə çox şey yaza bilərəm. Onların heç bir işə
yaramadıqlarını, təbii sərvətlərlə zəngin Azərbaycanı sadəcə adam olaraq “zanit”
etdiklərini hamınız çox gözəl bilirsiz. Sadəcə, sizi bilmərəm, amma məni “damla
izdihamı” çox üzdü. Olan-qalan ümidimi beynimdən çıxararaq özümü “hər şey yaxşı
olacaq” adı altında aldatmaqdan azad oldum. Mənim də heç nə vecimə deyil.
Yorumlar
Yorum Gönder