İbrahim-4

Mədəniyyətsiz ərəbin həyat tərzini özünə mədəniyyət seçənləri və yaşayanları beyinsiz adlandırmaq tam mənanı vermir. Düşüncə desək, o da yetmir. Ümumiyyətlə, bu tip adamlara diaqnoz qoymaq çox çətindi. Baxın, adam nə qədər ağılsız olmalıdır ki, “Quran” kitabını oxumadan onun uğurunda özünü fəda etsin. Eşitdiklərinə əsasən müqəddəs hesab etdiyi şeylərə görə başqalarının həyatını zəhrimara döndərsin. Bir yan-yörənizə göz atın. Özünü dindar hesab edənlərin böyük faizi oxumadan, onun-bunun təsirinə düşənlərdi. Beyinciklərini eşitdikləri dini nağıllarla yükləyən bu adamlar xəyallarla yaşayırlar. Gerçəkləşməyən xəyallarla. Bu tip adamların gözünü açmaq üçün cəmiyyətdə kifayyət qədər maarifləndirmə işi aparılır. Və o da məlumdur ki, bu iş aydınlama missiyasını yerinə yetirənlərin həyatlarının təhlükəsi bahasına başa gəlir. Həmişə yazılarımda “Quran”dan sitatlar gətirib onun ətrafında söhbət açıram ki, müqəddəs hesab etdikləri kitabları oxumayanlara nələrsə agah olsun. Pas atmış beyinlərinin qurcalanması ümidi ilə “İbrahim surəsi-4”ə nəzər salaq. Yazılır: “Biz hər bir peyğəmbəri yalnız öz millətinin dilində (danışan) göndərdik ki, (Allahın əmrlərini) ona izah edə bilsin. Allah istədiyi kimsəni zəlalətə salar (haqq yoldan sapdırar), istədiyini də doğru yola yönəldər. O, yenilməz qüvvət sahibi, hikmət sahibidir!”

Bundan artıq açıq-aydın necə deyilməlidir ki, Məhəmməd yalnız ərəblərə məxsusdur. “Quran”ı oxuyanlara bəllidir ki, ərəb və israil millətinə aid peyğəmbər adlarından kənara çıxılmır.  “İbrahim surəsi 4”ə görə digər xalqlara Allah peyğəmbər göndərməyib, onları unudub. Ya da yaratdıqları içərisindən ərəb və israillilərdən başqasını sevmir. Təbii ki, bunlar bir məcazdı. Allah və müqəddəs hesab etdiyiniz heç bir şey yoxdur. Sadəcə onu başa düşməlisiz ki, Məhəmmd sözügedən kitabı öz milləti üçün, yəni, ərəblər üçün yazıb. Məhz ona görədir ki, sözaçdığımız ayəni kitaba yazıb. Nə qədər özünü ağıllı hesab etsə də, yaratdığı dinin silah gücünə yayılacağını hesaba almamışdır. Əgər onu hesaba alsaydı “İbrahim-4”ü belə yazardı: “Biz indiyədək hər bir peyğəmbəri yalnız öz millətinin dilində danışan göndərdik ki, onlara izah edə bilsin. Amma onlara başa düşmədilər. Səni isə son olaraq bütün millətlər üçün göndərdik ki, dediklərimizi onlara çatdırasan. Sənə inananlar, dediklərimizə pənah gətirənlər bizdəndir. Onlar cənnətlə müjdələnənlərdir”.

Məhəmmədi və Allahı boş verin. Öz vicdanınıza və elminizə sığının ki, cəmiyyətin inkişafında rolunuz olsun. Küt beyinlə tərbiyyə etdiyiniz ailənin nə sizə, nə də gələcəyə bir töhvəsi olmayacaq.