Pivə ayəsi


İslamın mənbəyi “Quran” kitabı göstərilir və dindarlar (dini dar olanlar desək daha doğru səslənir) həmişə ona istinad edirlər. Belə olduğu təqdirdə mənim də həmin kitaba istinad etməyimi və ondan ayələri sitat gətirərək üzərində şərh aparmağım sizi qıcıqlandırmasın. Məhəmmədin şəxsi mənafeyinə xidmət edən “Quran” kitabının Baqara surəsi 23-də yazılır: “Əgər bəndəmizə (Məhəmmədə) nazil etdiyimizə (Qurana) şəkkiniz varsa, siz də (fəsahətdə və bəlağətdə) ona bənzər bir surə gətirin və əgər ("bu, bəşər kəlamıdır" sözünü) doğru deyirsinizsə, onda Allahdan savayı (bütün) şahidlərinizi (bütlərinizi, şair və alimlərinizi bu işdə köməyə) çağırın!”
Məhəmməd bu sözləri kitaba salmaqla insanları qorxudaraq, gözlərini qırıb. Elə təsəsvvür formalaşdırb ki, “Quran”da yazılanları heç kim, hətta ən savadlı alim belə baş işlədib yaza bilməz. Halbuki, bir az ədəbiyyatdan anlayışı olan adam “Quran”a baxdıqda onun bədii dəyərinin olmadığını, sadəcə “qorxmaq” sözündən ibarət baş-ayaq cümlələr yığınından ibarət olduğunu dərk edir. O dövrdə yaşasaydım və Məhəmməd bu kitabı yazmağı məndən xahiş etsəydi çox dəyərli əsər ortaya qoyardım. Ancaq bu dəfə istəyirəm sosial şəbəkələrdə müxtəlif insanların yazdıqları “ayələrə” baxaq:
“Yeyib-içmək surəsi.
Gəncə kafesində nazil olub.
De ki sizdən əvvəlki qövmlərə yeyib-içməyi haram buyurduq. Ancaq sizə bundan günah gəlməz. İstədiyiniz yerdə doyunca yeyib-içə bilərsiz. Əgər səhər paxmel olsanız, başınız ağrısa, sizə pivə içməyi buyurduq. Əgər maşınla olsanız ayıq sürücü çağırın. Çox içdikdən sonra səhərə qədər biri-birinizi ötürün. Ey iman gətirənlər evin qapısını tez tapmaq istəyirsinizsə qapıya adınızı yazın. Allahın yeyib-içən adamdan xoşu gələr. Ona görə də cənnətdə ona içində şərab axan çaylar nəsib edər. Bu ayələrə inanmayanlara cəhənnəmdə dəhşətli cəza veriləcək. Qorxun ondan. Cəhənnəm əzabından qorxun. İnananlara Allah qonaqlıq verəcək”.
Başqa bir “ayəni” oxuyaq:
Maidə surəsi, 214: "De ki, Allah yay fəslini sizin pivə içməniz üçün yaratdı. Ona görə də, vay o kəslərin halına ki, yayda doyunca pivə içmirlər. Onlar guya kökəlməkdən qorxduqlarını deyirlər. Halbuki, Allah sizin üçün nəyin daha yaxşı olduğunu bilir. Kim ona inansa, həm bu dünyada, həm də o dünyada nicata qovuşanlardan olacaq".    
XXI əsr insanının yazdığı bu sözlər daha aktual və bədii ardıcıllıqla düzülmüş kəlmələrdir. Artıq havalar istiləşir. Pivənizi içə-içə sizə toxunulmaz və müqəddəs kitab kimi soxuşdurulan “Quran”ı bir daha incələyin ki, dinin və nağılbaş dindarların köləsi olmayasız.  

Yorumlar