Kütlənin qəddarlığı

Azərbaycan cəmiyyətində fərqli düşüncə (və cinsi oriyentasiya) sahiblərinə qarşı qəddar münasibət davam edir. 162 saylı məktəbin 8-ci sinif şagirdi Elina Hacıyevanın məktəb yoldaşları tərəfindən ona "lezbi" deyilərək lağ edilməsini həzm edə bilməyərək özünü məktəb binasının 3-cü mərtəbəsindən ataraq intihar etməsi xəbərini oxuduqda millətin maariflənəcəyinə olan ümidlərim qırıldı. Bu millət maarifləndirmə və mədəniləşmə informasıyalarını yetərincə alır. Amma çox hissəsi türklər demiş gerizəkalıdır. "Camaat nə deyər" prinsipləri ilə yaşayaraq ətrafdakı insanların da həyatını zəhrimara çevirirlər. Ənənəvi üsulla yaşayan bu millət istər dini, istər də dünyəvi baxımdan onlar kimi düşünməyəni, onlar kimi olmayanı "kafir", "petux", "lezbi" adlandıraraq həyatlarını alt-üst edirlər. Mənim dini baxışım bəllidir - ateistəm! Kütlənin adətinə uyub oğlumun iradəsindən kənar onun bədən üzvlərində hər hansı dəyişiklik aparılmasına, yəni penis ucunun kəsilməsinə (sünnət) icazə vermərəm. Sünnət edilməyən oğlumu məktəbdə, əsgərlikdə və ümumiyyətlə cəmiyyətdə hansı sürprizlər gözləyir? Ona ənənəvi qaydalarla yaşayan kütlə üzvlərinin "sünnət edilməmisən, deməli, sən ermənisən, kafirsən, xaçpərəstsən"-deyib, psixoloji və fiziki təsir etməyəcəyinə tolerant və demokratik dövlətim təminat verirmi? Verərsə nə gözəl. Mən də rahat olaram. Ancaq Elinanın həyatına son verməsi onu göstərir ki, biz qarantiyasız cəmiyyətdə yaşayırıq. Kütlə ilə eyni düşüncəyə malik olmadığımız üçün, kütlənin adətlərinə uymadığımız üçün başımıza nə gələcəyi bəlli deyil. Cəmiyyətin maarifləndirilməsi dövlət səviyyəsində aparılmalıdı. TV-lərdə mədəniyyətsiz adamların cəmiyyətə mədəniyyət dərsi keçməsinə qadağa qoyulmalı və açıq düçüncəli ziyalıların insanları aydınlatmasına geniş şərait yaradılmalıdır.  Bəlkə o zaman ənənəvi adətlərlə yaşayan kütlədən mədəni, sivil cəmiyyətə keçək.