Daş yığınağı

Azərbaycan cəmiyyətində yaşayanların çox hissəsinin düşük, küyçü və fürsətcil olduğunu bir daha görürəm. Bu vəziyyəti kənardan müşahidə etdikcə kütlənin maariflənməsi uğurunda canlarını və beyinlərini xərcləmiş ziyalılarımıza heyfim gəlir. Nə özünüzü artistliyə qoymusuz? Guya hansısa divar sizin vecinizədir? Deyək ki, içəri şəhərin divarları sökülmədi. Bu sizi ali məktəbdə ödədiyiniz min manatlarla təhsil haqqından azad edəcəkmi? Hamı işlə təmin olunacaqmı? Əhalinin sosial durumu yaxşılaşacaqmı? Əmək haqqlar artacaqmı?

Bir çox sadalamadığım, amma cəmiyyətə fayda verən məsələlərin həlli üçün niyə birinizin səsi çıxmır? “Tarix”, “keçmiş” deyib, düşmüsüz ortalığa. Keçmişlə yaşadığınız üçün, elə keşmişdə də qalmısınız. İbtidai düşüncədəsiniz. Hələ utanmadan Qız qalasını Notr-Dam kilsəsi ilə müqayisə edirsiz. Qız qalası ondan əvvəl tikilib falan deyirsiz. Hə nə olsun? Nə vaxt tikilməsindən asılı olmayaraq, Qız qalası çox mənasız tikilidir. Notr-Damın memarlıq dəyəri yanında Qız qalası sadəcə daş yığınından ibarət bir şeydi. Bu iqtidarın cəmiyyətə verə biləcəyi ən yaxşı hədiyyə elə məhz içəri şəhərin mənasız divarlarının, Qız qalasının sökülməsi olacaq. Odur ki, özünüzü artistliyə vurmayın.