Mərhəmətli Allahın adı ilə

İnsanların, bir az da dəqiqləşdirək, daha çox azərbaycanlıların kütlülüyə və kütləliyə meyli adamı dəhşətə gətirir. Millətin (söhbət azərbaycanlıların çox hissəsindən gedir) əksəriyyəti axmaqcasına formalaşmış kütlə ənənəsi ilə yaşamağı sevir. Məhz buna görədir ki, bir əsrdən çoxdur aparılan maarifləndirmə işinin onlara bir təsiri yoxdur. Öyrənmək və düşünmək istəmirlər. Qəbilə qayda-qanunları ilə həyat sürərək din alverçilərinin qullarına çevriliblər. Ərəb və farca onları söyən olsun gözlərini yumub ürəkdən “amin” deyirlər. Bu tiplər “gündəyməz yerlərinə” əziyyət verib qırmızı parçaya büküb sandıqda saxladıqları Quran kitabını açıb oxusalar görərlər ki, nisə surəsi 84-də yazılıb: “vuruş allah yolunda, sən təkcə özünə cavabdehsən. Möminləri də təşviq elə vuruşa”.  Və bunu oxuduqdan sonra düşünməlidirlər. Axı bizə allahın humanist, sülhsevər, hər şeyə qadir olduğunu deyirdilər. Niyə yaratdıqları içərisində ən mükəmməli və sevimlisi olan insanı öz uğurunda bir-biri ilə qırdırır? Demək, ya sizə deyilənlər uydurmadır, yəni tanrı hər şeyə qadir və mərhəmətli deyildir. Və ya bir növ sadistdir. Yaratdığına əzab verməkdən zövq alır.

Oxumağa davam etsələr qarşılarına ənam surəsi 115 çıxacaq: “onun kəlmələrini dəyişdirə biləcək bir kimsə yoxdur”. Bəh, bəh bəəəh. Nə qəşəng, nə gözəl deyib şair. “İncil” və “Tövrat”ı da müqəddəs hesab edirsiz və bu kitabların da tanrıya məxsus olduğunu deyirsiz. Ancaq onu da deyirsiniz ki, “İncil” və “Tövrat”ı dəyişdiriblər. Bəs nə oldu??? Axı deyirsiniz ki, onun (allahın) kəlmələrini dəyişdirə biləcək bir kimsə yoxdur. Ən əsası sizlər “Quran” kitabının dəyişə-dəyişə gəldiyini bilsəniz nə edərsiz bəs?  

Əraf surəsində Allahın iblislə dialoqu var. Allah iblisə deyir ki, mələklər Adəmə səcdə elədi, amma sən yox. Əgər müqəddəs kitabınızı oxumuş olsaydınız əraf surəsi 12 yadınıza düşərdi: ““sənə buyurmamışdım axı belə edəsən, səni səcdədən edən nədir?” dedi Allah. “Mən ondan üstünəm. Məni oddan xəlq elədin, onu gildən” dedi iblis. 13 “düş aşağı ordan, sən nə hədlə böyük-böyük danışırsan orada, rədd ol, sən alçağın birisən” dedi allah”. Nə qədər etik bir davranış, mərhəmətli danışıqdır, elə deyilmi? Hər şeyi bilən, hər şeyə qadir Allahdan bu cür sözlər gözləyirdinizmi, yoxsa “Quran”ın əvvəlki müqəddəs hesab edilən kitabların surəti olduğuna, Məhəmmədin nəql etdiyi nağıl olduğuna inanırsız artıq?