“Quran”dan öncəkilər

Qəddarlığın nümunəsi

“Bibliyadakı Tanrı – özünü Allah adlandırır, amma qoyun dərisi geyinmiş bir şeytandır”. Bu sözlərə Rusiya forumlarının birində illər öncə rast gəlmişdim. Elə o vaxtdan beynimin bir küncündə ilişib qalmışdı. İncil və ya daha çox "Bibliya" kimi də tanınan, müqəddəs hesab edilən kitab iki böyük hissədən ibarətdir: Əhdi-ətiq və Əhdi-cədid. Məlumat üçün qeyd edim ki, Əhdi-ətiq iki kitabdan ibarətdir: Tövrat və Zəbur. Deyilənlərə görə Tövrat Musa peyğəmbərə, Zəbur isə Davud peyğəmbərə nazil olub. Əhdi-cədid isə İsa Məsih dünyaya gəldikdən sonrakı hadisələri, öncədən deyilən peyğəmbərliklərin yerinə yetməsini göstərir. Əhdi-cədidin digər adı İncildir. Həmişə Qurandan yazmışıq, ordakı nağıllar barədə danışmışı. Bu dəfə istədim ki, bir azdan ondan əvvəlki kitablardan söz açaq.

Allah niyə Adəmi aldatdı?

Adəm- Allahın yaratdığı ilk insandır. Kitablar bunu deyir. Həmçinin o da yazılır ki, xeyirlə şəri bilmə ağacının meyvəsini dadandan sonra cənnətdən qovulur və 930 il ömür sürür. Əvvəla insanın fziologiyası doqquz əsr yaşamağa imkan vermir. İkincisi isə, niyə Allah hər şeydən mükəmməl yaratdığı Adəmi aldatdı? Ondan xeyir və şər haqqında bilgiləri gizlətdi? Təbii ki, Allah insanların yaxşı olmasını istəsəydi, yaratdıqları içərisində ən mükəmməli olan insanlardan biliyi gizlətməli deyildi. Əksinə onlara ətraflı məlumat verməliydi. Yaxşı və pis şeyləri gizlətmək sadəcə gülüncdür. Nəyin yaxşı, nəyin pis olduğunu insan bilmirsə o zaman necə özünü yaxşı apara bilərdi? Belə çıxır ki, Tanrı pis niyyətli olub. Bir insanı cənnətdən qovmaq, onu alçaltmaq, ona günahkarlığının düşüncəsini aşılamaq, onu qul etmək və onu istehza etməyə davam etmək üçün bir səbəb lazım idi ki, bunu da etdi. Və Tanrı sanki bununla bir zövq alırmış. Xoş niyyətli, yaxşı bir Allah bunu edərmi? Əlbəttə yox!

Nağıl-dur başımdan dağıl

“Tövat”da Yaradılış fəsli 3-ü oxuyaq:

“1Rəbb Allahın yaratdığı bütün çöl heyvanlarının ən hiyləgəri ilan idi. İlan qadına dedi: «Doğrudanmı, Allah sizə “bağda olan heç bir ağacın bəhrələrindən yeməyin” deyib?» 2Qadın ilana dedi: «Bağdakı ağacların bəhrələrindən yeyə bilərik. 3Amma bağın ortasındakı ağacın meyvələri barədə Allah deyib: “Ondan yeməyin və ona toxunmayın, yoxsa öləcəksiniz!”» 4İlan qadına dedi: «Yox, əsla ölməzsiniz. 5Əksinə, Allah bilir ki, o meyvələrdən yediyiniz gün gözləriniz açılacaq və xeyirlə şəri bilərək Allah kimi olacaqsınız». 6Qadın gördü ki, ağacın meyvəsi yemək üçün yaxşıdır, gözə xoş görünür və bu ağac insana dərrakə verməyi vəd edir. Buna görə də o həmin meyvədən dərib yedi. Sonra yanında olan ərinə də verdi, o da yedi. 7O vaxt ikisinin də gözləri açıldı və çılpaq olduqlarını bildilər. Buna görə də əncir yarpaqlarını bir-birinə hörüb özlərinə fitə düzəltdilər. 8Onlar günün sərinliyində bağda gəzişən Rəbb Allahın səsini eşitdilər. Adəm və onun arvadı Rəbb Allahın hüzurundan qaçıb bağdakı ağacların arasında gizləndilər. 9Rəbb Allah Adəmi səsləyib dedi: «Haradasan?»10O cavab verdi: «Bağda səsini eşitdim və çılpaq olduğum üçün qorxdum, ona görə də gizlənmişəm». 11Rəbb Allah dedi: «Kim sənə bildirdi ki, çılpaqsan? Sənə yeməyi qadağan etdiyim ağacın meyvəsindən yeməmisən ki?»12Adəm dedi: «Mənimlə birgə olmaq üçün verdiyin qadın o ağacın meyvəsindən verdi, mən də yedim». 13Rəbb Allah qadına dedi: «Sən niyə belə etdin?» Qadın dedi: «İlan məni yoldan çıxartdı, mən də yedim». 14Rəbb Allah ilana dedi: «Sən bunu etdiyin üçün Bütün ev heyvanları və çöl heyvanları arasında lənət qazanırsan. Qarnın üstündə sürünəcəksən, bütün ömrün boyu torpaq yeyəcəksən. 15Mən səninlə qadın arasına, sənin balanla onun övladı arasına düşmənçilik salıram. Bu övlad sənin başından vuracaq, sən də onu dabanından sancacaqsan». 16Sonra Rəbb Allah qadına dedi: «Hamilə olanda sənə Çox əziyyət verəcəyəm, uşaqlarını ağrı içində doğacaqsan. Ərinə meylli olacaqsan, o sənə ağalıq edəcək»”.

Dinin başında duranlar, din alimləri Allahı mərhəmətli, bağışlayan, hər şeyi bilən kimi təqtim edirlər, düzdümü? Bəs, müqəddəs hesab edilən kitabdan nə oxuyuruq: əzazil, qəddar, zülm edən, bilgini gizlədən. Sanki insanlara əzab verməkdən zövq alır. Hanı o ilahiləşdirdiyiniz, mərhəmətli, hər şeyi bilən Tanrı obrazınız? Yoxdu! Çünki nağıldır. Davamını oxuyaq:

“17Sonra Rəbb Allah Adəmə dedi: «Arvadının sözünə qulaq asdığın üçün, qadağan etdiyim, “meyvəsini yemə” dediyim ağacdan yediyin üçün sənə görə torpaq lənətlənir. Ömrün boyu zəhmətlə torpaqdan yemək əldə edəcəksən. 18O sənə tikan və qanqal bitirəcək, sən də çöldəki ot-ələfi yeyəcəksən. 19Alın tərinlə çörək yeyəcəksən. axırda torpağa qayıdacaqsan, çünki oradan götürülmüsən, ona görə ki yerin torpağısan, torpağa da qayıdacaqsan». 20Adəm arvadının adını Həvva qoydu, çünki o, yer üzündə yaşayanların hamısının anası oldu. 21Onda Rəbb Allah Adəmlə arvadı üçün dəridən paltar düzəltdi və onlara geyindirdi. 22Sonra Rəbb Allah dedi: «Budur, insan xeyirlə şərin nə olduğunu bilərək bizlərdən biri kimi oldu. Qoy indi əlini uzadaraq həyat ağacının meyvəsindən dərib yeməsin və əbədi yaşamasın!» 23Rəbb Allah insanı Eden bağından çıxartdı ki, o özünün də bir qismindən götürüldüyü torpağı becərsin. 24Rəbb Allah insanı qovdu. O, Eden bağının şərqinə keruvlarını və hər tərəfə fırlanan odlu qılıncını qoydu ki, həyat ağacına gedən yolu qorusunlar”.

Əgər insan səhv edibsə, onu bağışla, növbəti dəfə öyrət, başa sal, öz səhvini düzəltməyə kömək et. Sən ki, rəhmli və mərhəmətlisən. Niyə qəfildən yaratdıqların içərisində ən mükəməməlinə qarşı sərt davrandın?

 Əslində “Bizlərdən biri kimi” sözü göstərir ki, İncil Allahın sözü deyil, insanlar fikirləşiblər.

Oxumağa davam edək və Saylar fəsili 31-ə nəzər salaq:

“14Musa döyüşdən qayıdan sərkərdələrə – minbaşılara və yüzbaşılara qəzəblənib 15«Bütün qadınları nə üçün sağ saxladınız?» dedi. 16«Bunlar həmin qadınlardır ki, Bilamın verdiyi nəsihətə uyub Peor hadisəsində İsrail övladlarının Rəbdən dönməsinə səbəb oldular. Ona görə Rəbbin icması arasında vəba törəndi. 17İndi bütün oğlan uşaqlarını və kişi ilə yaxınlıq etmiş qadınları öldürün. 18Yalnız kişi ilə yaxınlıq etməmiş cavan qızları özünüz üçün sağ saxlayın”.
Bəli, düz oxuyursuz. Bu da sizə sırıdıqları Musa peyğəmbər. Dinin istinad nöqtəsi müqəddəs hesab etdikləri kitablardır ki, orda yazılana görə (yuxarıda fəsildən bir parçanı oxudunuz) Musa oğlan uşaqlarının və qadınların öldürülməsini əmr edib. Bu qədər vicdansızlıq, qəddarlıq olarmı? Din adından danışan nağılbaşlar sizi bilirsinizmi niyə aldada bilirlər? Çünki oxumursuz, araşdırmırsız və onlara sual vermirsiz. Onlar isə bildikləri kimi mərhəmətli, humanist, mələk obrazında öz dini personajlarını sizə təqdim edirlər, beyninizə yeridirlər. Ayılın cənablar))