Dinə yox deməyi bacar

Dünyada milyonlarla insan var ki, həyatın ölümlə bitəcəyinə inanır. Yəni, ölümdən sonra bir yaşamın olmasına və tanrının varlığına inanmırlar. Heç o barədə düşünmürlər. Sadəcə öz həyatlarını yaşayırlar. Eyni zamanda onunla razılaşmaq lazımdır ki, inkişaf etmiş ölkələrdə yaşayan insanlarla, inkişaf etməmiş olkələrin (bəzən inkişaf etməkdə olan ölkələr- deyib, haqq-hesaba soxuşdururlar. Amma məntiqlə budur: ya inkişaf etmş, ya da etməmiş. Vəssalam!) insanlarının düşüncə tərzində ciddi fərqlər var. Yaponiya, İngiltərə, Fransa, Cənubi Koreya, Almaniya, Hollandiya və sairə kimi ölkələrdə yaşayan insanların tanrı qorxusu yoxdur. Əgər bir əsr əvvəl bu tipli (indi inkişaf etmiş statusunda olan) ölklərdə din önəm daşıyırdısa, bu gün dini inancları çox zəifdir. Demək olar ki, yox səviyyəsindədir. İnsanlar beyinlərini allah mövzusu ilə məşğul etmirlər və dini nağılllara qulaq asmırlar. Düşüncəsi yüksək olan insanlar elmə söykənirlər. Elm öyrənirlər. Texnologiyanı inkişaf etdirməklə elmi və iqtisadi-sosial sahədə yaxşı nailiyyətlərə çatmağı planlaşdırırlar. Bir sözlə elmi öyrənmək üçün enerji, istək və zaman lazımdır. Din də isə öyrəniləsi bir şey yoxdur. Müqəddəs hesab edilən kitabları oxumadan hamı dini bilir. Çünki din nağıl kimi ağızdan-ağıza gəzir. Elmi isə hər kəs bilmir.

İnsanlar beyinlərindəki allah qorxusundan azad olmalıdırlar. “Tanrı yoxdur” deməyi bacarmalıdırlar. Mollalar, nağılbaş dindarlar öz moizələri, rəvayətləri ilə düşüncəsi zəif olan insanları təsir altına elə bir şəkildə alıblar ki, o tip adamlar adicə ərəb (və ya fars) hərfləri ilə yazılan, yaxudda deyilən söyüşə “amin” deyirlər. Çünki, onlarda elə təsəvvür yaranır ki, harda ərəb hərfi və səsi varsa söhbət dindən gedir. Bu cür axmaq vəziyyətə düşməmək üçün düşüncənizi inkişaf etdirin, elmə meyllənin. Və rahtlıqla “allah yoxdur, mən heç bir dinə inanmıram” deməyi  bacarın.

Ətrafımdakı insanların bəzilərində belə bir hal müşahidə edirəm. Adam tanrıya inanmadığını söyləyir, ancaq baxırsan ki, gündəlik həyat işlərini ulduz falı oxuyub sonra planlaşdırır. Bu tip adamları da başa düşmək çox çətindir. Məncə, belələrinin cümədən-cüməyə məscidə gedib özünü müsəlman dindar hesab edənlərlə heç bir düşüncə fərqi yoxdur.

Və sonda. Dindarların brend sözü var: allah hər şeyi bilir, görür və izləyir. O zaman sual olunur:  Bizi hər an izləyən hər şeyə qadir allah dünyada oğurlanan səsləri, ədalətsiz bölgünü, müharibələri də görürmü?