Adəmin ilk qadını kim olub?

Hamı ilk insanın Adəm və Həvva olduğunu dini kitablara əsasən bilir. Ancaq ilk qadının Həvva olmadığını söyləyən mənbələr də var. Erkən kilsə (əsasən Qnostik məzhəbləri) inanırdı ki, Adəmin Həvvadan əvvəl başqa bir qadını olub. Məlumat üçün bildirim ki, erkən xristianlıq dedikdə, xristianlığın yaranmasından əvvəlki dövr nəzərdə tutulur (təxminən I əsrin 30-cu illərinin başlanğıcı). Bu xristianlarin Nikeya kilsə məclisinə qədər (325 il) sürən dövrdür. Nikeya kilsə məclisləri rəsmi xristian kilsəsi tərəfindən və onun adından çağrılan keşişlərin toplantılarıdır. Apokrif yazılara əsasən (Apokrif – kilsə tərəfindən “müqəddəs” kitablar siyahısına daxil edilməyən və qadağan olunan yəhudi və erkən xristian dini ədəbiyyat əsəri) Lilit (qadın) Adəmlə bərabər yaradılmışdır. Lakin, Ona itaət etməkdən imtina edib ölüm mələyi olan Samaelin həyat yoldaşı oldu. Və sonra Eden bağından qovuldu. Məhz buna görədir ki, bir çox erkən yəhudi və xristian mifləri Lilit və Samael ilə əlaqələndirilir. Bəziləri deyirlər ki, Lilit şeytanların anası olub. Digər miflərdə söylənilir ki, Lilit kentavrlar və minotaurlar kimi yarım insanlar dünyaya gətirib. Üçüncü mənbələr Lilitin övladlarının vampir olduğunu bildirir.