Rusiyanı islama cəlb etmək
məsələsi yenidən gündəmə gəlib. “Qafqaz Gündəliyi” elektron qəzeti bu barədə
“İslam Rusiyası – mif yoxsa reallıq?” adlı məqalə dərc edib. Yazı bir daha onu
təsdiq edir ki, dünyada qütbləşmə və soyuq müharibə din üzrə hələ davam edir.
Portal yazır ki, “hələ ötən
əsrdə Sovetlər Birliyi müsalman dünyasında öz təsirinin yayılması hesabına nə
güc, nə də vasitə baxımından korluq çəkmirdi. Görünür bu günkü gündə vəziyyət
radikal olaraq dəyişib. Son zamanlar islam dünyası öz siyasi mövqeyini zənginləndirərək
Rusiya və onun atom arsenalı üzərində nəzarət məqsədi daşıyan böyük oyuna
qoşulub”. Deməli, elə yazının əvvəlindəcə Rusiyanı sünnət eləməyin məqsədinin nədən
ibarət olması barədə ip ucu verilir. Məqalənin axarında isə hər şəy tam aydın
olur. Ona görə də oxumağa davam edək.
“Qeyri-rəsmi məlumatlara
görə Rysiyada 20 miliyondan çox müsəlman yaşayır. 2009-cu ilin sonunda Rusiyada
fəaliyyət göstərən müsəlman təşkilatlarının birləşməsi hərəkatı başladı. Bu
tendensiya bu günkü gündə də davam edir. Ehtimallara görə artıq bu məsələ üzrə
Kremlin qeyri-rəsmi razılığı mövcuddu. Əks halda bu cür problemi xalqın müzakirəsinə
təqdim edərdi. Rusiya hakimiyyəti yaxşı başa düşür ki, müsülman əhalisi siyasi
proseslərdə özüylə xeyli güc təqdim edir. 140 milyonluq ölkədə 20 milyon zəmanətli
tərəfdar isə istənilən hakimiyyət üçün ciddi dayaqdı”.
Qeyd edim ki, Rusiya siyasətində
islam təşkilatlarının rolunun güclənməsi üzrə kompaniya məlumatları bir neçə il
əvvəl başlaıb və bu gün bəzi təşkilatlar tərəfindən ara sıra davam etdirilir. Son
illər isə KİV-də islamlaşan Rusiya layihəsi variantı yayımlanır. Belə bir layihə
ingilis dilli “The eXil” qəzetində 2006-ci ildə “Müsəlman təklifi. Prezident
Putin Rusiyanı islam ölkəsinə çevirməlidi” adı altında çap edilmişdi. Qəzetin
redoktorları rusdur və Moskvada kifayət qədər uğurlu biznesə sahibdirlər. Belə
bir yazını çap etməklərində maraqlarının nə olduğunu müəyyən eləmək çətindi.
Hələ 1998-ci ildə Rusiyada
avtoritet çəkiyə malik olan “Müstəqil Qəzet”in baş redaktoru yazmışdı ki,
“Rusiya prezidenti nə vaxt müsəlman olacaq?” Yazırdı ki, 2030-cu ildən sonra nə
vaxt ki, rus əhalisi azlıq təşkil edəcək, onda prezidenti tatarlı seçəcəklər.
Statistik məlumatlara görə Rusiyada
hər il slavyan əhalisinin payı azalır. Rusiya demoqrafiq mərkəzinin qeydinə əsasən,
ixtisar edilən əhalinin kompensasiyası müsəlman ölkələrinin hesabına gedir. Təbii
ki, burada azərbaycanlıların rolu az deyil. Rusiyada bir azərbaycanlı kişinin ən
azı 2 rus qadını olması möcüzə deyil.
“Qafqaz Gündəliyi” yazır
ki, bütün bunlarla yanaşı slavyanlar içərisində islamı qəbul edənlərin sayı da
artıb. “Rusiya muftiev şurasının” məlumatına görə 2004-cü ildə təkcə Moskvada
20 min insan islamı qəbul edib. Islamı qəbiul edənlərin 60 faizini isə ruslar təşkil
edib.
Bəs, dünyanın ən böyük dövlətini
müsəlmanlaşdırmaqda məqsəd nədi? Portal yazır ki, müsəlman ölkələrinin liderləri
öz məqsədləri barədə açıq danışırlar. “2003-cü ildə Putin İslam Konfransının
10-cu sesiyasına dəvət olunmuşdu. Açıq sessiyada Malaziyanın baş naziri
Maxatxir Muhammad birbaşa Rusiya prezidentinə islamı qəbul etməyi təklif
etmişdi. İslamı qəbul edən Rusiyada bütün problemlər yoxa çıxacaq, alkoqolizm azalacaq.
Ən əsası və başlıcası isə əgər Rusiya islamı qəbul edərsə, bütün silahlar müsəlman
əlinə keçəcək. İslamın başlıca düşməni İsrail isə bir neçə zərbəyə yox ediləcək.
O zaman bütün dünya Rusiyanın ayağı altında olacaq”.
Hər şey aydındı. Zorlada
olsa Rusiyanı tutub sünnət eləmək istəyirlər. Bəs, dəllək kim, kirvə kim
olacaq? Amma gəlin unutmayaq ki, Rusiya ülgücdən çox qorxur və çətin ki, kiminsə
qucağına oturub özünü kəsdirsin. Nə qədər bu kimi məqalələr yazılsa da belə.
Yorumlar
Yorum Gönder