Rusiyanın Sankt-Peterburq şəhərində avtomobildə partlayış olub.
“Qafqazinfo” Rusiya mediasına istinadən xəbər verir ki, yerli vaxtla 07:00-da baş verən partlayış nəticəsində bir hərbçi həlak olub, ailə üzvü isə xəsarət alıb.
İlkin məlumata görə, həmin hərbçi mayor Sergey Seçkov olub.
Bildirilir ki, avtomobilin alt hissəsinə yerləşdirilən partlayıcı qurğu uzaqdan işə salınıb. Hazırda partlayışın başvermə şəraiti və digər təfərrüat araşdırılır.
Hadisə ilə bağlı qəsdən adamöldürmə faktı üzrə cinayət işi başlanılıb.
