Noyabrın 19-u Sabunçu Rayon İcra Hakimiyyətinin və YAP Sabunçu rayon təşkilatının birgə təşkilatçılığı ilə “Şəhərsalma və Memarlıq ili” çərçivəsində Yeni Azərbaycan Partiyasının yaradılmasının 34-cü ildönümünə həsr olunmuş ağacəkmə aksiyası keçirilib.
“Qafqazinfo” xəbər verir ki, Böyükşor-Pirşağı şosesinin sağ kənarında yerləşən mədən ərazisində keçirilən aksiyada Sabunçu Rayon İcra Hakimiyyətinin başçısı Adil Vəliyev, YAP Sabunçu rayon təşkilatının sədri Araz Xudadanov, “Balakhani Operating Company LTD” şirkətinin prezidenti Rövşən Rzayev, YAP Sabunçu rayon təşkilatının, Sabunçu Rayon İcra Hakimiyyətinin və “Balakhani Operating Company LTD” şirkətinin rəhbər heyət üzvləri və əməkdaşları, partiya fəalları, eləcə də ictimaiyyət nümayəndələri iştirak ediblər.
Aksiya çərçivəsində ərazidə ümumilikdə 400-ə yaxın zeytun ağacı əkilib, yeni əkilmiş tinglərə aqrotexniki qulluq göstərilib.