Əli Mirəliyevin dünya şöhrətli xanəndə, xalq artisti Alim Qasımovun ünvanına səsləndirdiyi sərt və qəbuledilməz fikirlər cəmiyyətdə və ziyalı dairələrində kəskin etirazla qarşılanıb.
NOCOMMENT.az xəbər verir ki, keçmiş deputat Əli Mirəliyevin Alim Qasımovun ünvanına işlətdiyi ifadələrə sərt reaksiya göstərərək, günahın məhz həmin şəxsi mütəmadi olaraq televiziyalara çıxaranlarda olduğunu bildirib.
Keçmiş deputat qeyd edib ki, Əli Mirəliyevdə günah yoxdur, belə səviyyəsiz və nitqi qüsurlu olan adamı mütəmadi olaraq televiziyalara çıxaranlardadır günah: "Görün okeanik istedada malik olan Alim Qasımov haqqında nələri danışır: “Alim mənə azan oxuyur, Xeyir ola, alə! Üzeyir Hacıbəyov əzan yazıbdı? Xanəndə kimi oxu ginən, dərviş kimi oxuyursan, biz dərvişik? Sən yeddi muğamı niyə ağzına nə gəldi oxuyursan? Səndən sonra gələn qızın da elə oxuyur, bədbəxt eləmisən o qızı, gül kimi səsi var idi. Sənin qızın azərbaycanlı kimi oxumur. Elnarə Abdullayevanı bədbəxt elədin, Mirələmi bədbəxt elədin. Siz xalqı bu günə saldığınıza görə mən Əli Mirəliyevə cavab verəcəksiniz”. Adam deyəsən Alim Qasımovun bənzərsiz və möhtəşəm ifa etdiyi “Çahargah”, “Kürdü-Şahnaz”, “Zabul Segah”, “Rast” və digər muğamlara qulaq asmayıb".
Onun sözlərinə görə, geridə qalmış hesab edilən Qərbdə nitqində qüsur olanları səsləri olsa belə, heç xora da götürmürlər, çünki ahəngin pozula biləcəyi ehtimal edilir: "Nitqi qüsurlu olanların özləri mahnı oxumaqdan könüllü imtina edirlər. Bu ictimai və mənəvi keyfiyyəti, məsuliyyəti Əli Mirəliyev kimilər dərk etməzlər. Adamı o qədər ərköyünləşdirdilər ki, Alim Qasımovu aşağılamaq məqamına gəlib çatdı. Bir musiqiçidən soruşurlar: Sən dünyanın nəhəng musiqiçilərinin adlarını sadalaya bilərsənmi? O, ciddi görkəm alır və deyir: Siz bilirsinizmi, biz bir neçə nəfərik. Onlardan biri də Əli Mirəliyevdir...".
Əli,
NOCOMMENT.az
