Rusiya hava hücumundan müdafiə qüvvələri son sutka ərzində Ukraynaın dörd idarə olunan bombasını, iki HIMARS raketini və 1085 dronunu vurub.
APA-nın Moskva bürosu xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, Rusiya qüvvələri Ukrayna Silahlı Qüvvələrinin istifadə etdiyi enerji infrastrukturu obyektlərinə zərbələr endirib.
Zərbələr həmçinin yerüstü robot sistemləri və dronlar istehsal edən emalatxanalara, eləcə də onların saxlama və buraxılış yerlərinə də endirilib.
Qeyd olunub ki, son 24 saat ərzində Ukrayna Silahlı Qüvvələri bütün cəbhələrdə təxminən 1300 şəxsi heyəti və ABŞ istehsalı olan M101 haubitsasını itirib.
