Rusiya Prezidenti Vladimir Putinin nəvəsi atasının deyil, anası Yekaterina Tixonovanın soyadını daşıyır.

NOCOMMENT.az xəbər verir ki, bu barədə Almaniyanın “Bild” nəşri məlumat yayıb.

Nəşrin yazdığına görə, Putinin kiçik qızı Yekaterina Tixonova 2025-ci ilin avqustunda oğlan övladı dünyaya gətirib. Uşağın atasının baletmeyster İqor Zelenski olduğu ehtimal edilir. Maraqlıdır ki, o, Ukrayna Prezidenti Volodimir Zelenski ilə eyni soyadı daşıyır.

Məlumata əsasən, mümkün yanlış assosiasiyaların yaranmaması üçün uşağa atasının əvəzinə anasının soyadı verilib.

Cütlüyün 2017-ci ildə doğulan böyük qızı isə əvvəlcə atasının soyadını daşıyıb. Lakin sonradan onun pasportunda da anasının soyadı qeyd olunub.