Azərbaycan Dövlət Neft Şirkətinin (SOCAR) Heydər Əliyev adına Neft Emalı Zavodunda yeni təyinat baş tutub.
Nurlan Axundov SOCAR-da Sağlamlıq, əməyin təhlükəsizliyi və ətraf mühit (SƏTƏMM) üzrə direktor vəzifəsinə təyin olunub.
O, bundan əvvəl, 2026-cı ilin aprelindən noyabr ayınadək "SOCAR Downstream"də korporativ təhlükəsizlik üzrə menecer vəzifəsini tutub.
Nurlan Axundov 2020-ci ilin noyabrından 2026-cı ilin aprelinədək SOCAR Karbamid Zavodunda keyfiyyət, sağlamlıq, əməyin təhlükəsizliyi və ətraf mühit (SƏTƏMM) üzrə menecer, 2017-ci ilin dekabrından 2020-ci ilin noyabrınadək isə SƏTƏMM meneceri vəzifəsində çalışıb.
O, 2011-ci ilin noyabrından 2017-ci ilin dekabrınadək SOCAR-ın “Azneft” İstehsalat Birliyində ətraf mühit üzrə mühəndis kimi fəaliyyət göstərib.
Qeyd edək ki, N.Axundov həmçinin bu ilin sentyabrından Azərbaycan Dövlət Neft və Sənaye Universitetində dəvətli müəllim kimi çalışır. Onun müxtəlif dövrlərdə Sumqayıt Dövlət Universiteti, Azərbaycan Texniki Universiteti və Bakı Mühəndislik Universitetində də müəllim və məsləhətçi kimi təcrübəsi var./Yurd.Media/
