Ermənistanda həbs olunan azərbaycanlı əsgər Nəsimi Musayev eks-prezident Robert Köçəryanın kamerasının yanındakı kamerada saxlanılır.
NOCOMMENT.az bildirir ki, bunu “Ermənistan” fraksiyasının rəhbəri Anna Qriqoryan mətbuat konfransı zamanı açıqlayıb.
Qriqoryan iddia edib ki, sərhədi qanunsuz keçərək Şəki (Qarakilsə rayonu - red.) kəndinə daxil olan Nəsimi Musayev “İrəvan-Mərkəz” penitensiar müəssisəsində “görünməmiş dərəcədə yaxşı” şəraitdə saxlanılır. O əlavə edib ki, Ermənistanın ikinci prezidenti qonşu kamerada saxlanılır, lakin oradakı şərait “qeyri-insani”dir.
Qeyd edək ki, Azərbaycana qarşı saysız cinayətlər törətmiş, Xocalı canisi Robert Köçəryan Ermənistanın Korrupsiyaya Qarşı Mübarizə Məhkəməsinin irəli sürdüyü faktlara əsasən, avqustun 25-də həbs edilib. Ona qanunsuz əmlak əldə etmə işi üzrə ittihamlar irəli sürülüb.
