Noyabrın 24-də Xəzər Universiteti və Nailəxanım Təqaüd Fondunun birgə təşkilatçılığı ilə Nailəxanım Təqaüdünün təqdimetmə mərasimi keçiriləcək.
Gununsesi.info xəbər verir ki, saat 18:00-da universitetin Mərmər salonunda baş tutacaq tədbirin əsas məqsədi magistratura və doktorantura səviyyələrində təhsil alan istedadlı qızların akademik və peşəkar inkişafına dəstək göstərmək, onların elmi potensialının üzə çıxarılmasına töhfə verməkdir.
Nailəxanım Təqaüdü qadınların ali təhsil imkanlarını genişləndirməyi və təhsillərini tam maliyyələşdirməklə onların elmi və peşəkar fəaliyyətə daha fəal cəlb olunmasını hədəfləyir.
Tədbir çərçivəsində Fondun fəaliyyətinə həsr olunmuş qısametrajlı film nümayiş etdiriləcək, təqaüdlər təqdim olunacaq.
Həmçinin səfirlərin iştirakı ilə “Fürsətdən təsirə: Sərhədləri aşan qadın liderliyi” mövzusunda panel müzakirəsi təşkil ediləcək.
Mərasim qadınların təhsildə, elmdə və cəmiyyətdə liderlik imkanlarının təşviqi baxımından əhəmiyyətli platforma olacaq.
The post “Nailəxanım Təqaüdü”nün təqdimetmə mərasimi keçiriləcək first appeared on Günün Səsi.
