Almaniya Kansleri Fridrix Merts ABŞ Prezidenti Donald Trampı Rusiya lideri Vladimir Putinlə gözlənilən görüşdə gözlənilməz qərarlar qəbul etməməyə çağırıb.
“Qafqazinfo” xəbər verir ki, bu barədə Merts “Reuters”ə açıqlamasında bildirib.
“ABŞ-yə mesajımızı çox aydın ifadə etmək istəyirəm: Xahiş edirik, heç bir sürpriz olmasın. “Avropa komandası” və “Ukrayna komandası” ilə birlikdə hərəkət etməyə davam edin. Bir sıra Avropa liderləri Tramp-Putin görüşünün “ikinci Ankoric”ə çevrilməsindən ehtiyat edirlər”, – deyə kansler vurğulayıb.
Qeyd edək ki, Tramp və Putinin noyabrın 18-19-da Çinin Şençjen şəhərində keçiriləcək Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində görüşməsi mümkündür. Görüşdə Çin lideri Si Cinpinin də iştirakı ehtimal olunur. Rusiya Prezidentinin köməkçisi Yuri Uşakov noyabrın 12-də bildirib ki, liderlər sammit çərçivəsində Ukrayna münaqişəsinin nizamlanması məsələsini müzakirə etməyi planlaşdırırlar.
