Məleykə Abbaszadənin Bakı Dövlət Universitetinə rektor təyin olunması ictimai müzakirələrə səbəb olub.

Təyinatla bağlı müxtəlif fikirlər səsləndirilsə də, cəmiyyətdə üstünlük təşkil edən münasibət müsbətdir.

Bəzi şəxslər yaş məsələsinə diqqət çəksələr də, onun uzunillik idarəçilik təcrübəsi, peşəkarlığı, dürüstlüyü və işinə məsuliyyətli yanaşması daha çox ön plana çəkilir.

Tanınmış şəxslər də Məleykə Abbaszadənin yeni vəzifəyə təyinatını müsbət qarşılayaraq ona uğurlar arzulayıblar.

Gununsesi.info xəbər verir ki, təhsil eksperti Etibar Əliyev Məleykə Abbaszadənin elmi və təhsili yüksək səviyyədə bilən, dürüstlüyü və rasional təşkilatçılığı ilə seçilən şəxsiyyət olduğunu vurğulayıb.

O, bu təyinatın ölkənin ən qədim universitetlərindən biri olan BDU üçün düşərli olacağına inandığını bildirib.

Deputat Fazil Mustafa isə qeyd edib:

“Məleykə Abbaszadə reputasiya olaraq həm savadlı kadrdır, həm də o sahədən çıxmış dövlət adamıdır. Məncə, onun BDU-ya rektor təyin olunmasını narahatlıqla qarşılamağa dəyməz. Hər halda o, müəyyən qayda-qanunlar, yeniliklər yaratmağa imkanı, xarakteri çatan kadrlardan biridir”.

O cümlədən yazıçı Şərif Ağayar təyinata münasibətini başqa formada ifadə edib.

O deyib:

“Məleykə Abbaszadə DİM rəhbərliyindən azad edildi. İnşallah testə təhlükə yaranmaz. Qollarını çırmalayıb fürsət gözləyən qaniçənləri təsəvvür edirəm”.

Yazıçı Ülviyyə Heydərova da təyinatı fərqli ifadə ilə dəyərləndirib:

“BDU qazandı, DİM də itirdi”.

Elmar

Gununsesi.info

The post Məleykə Abbaszadənin rektor təyinatı müzakirə olunur: first appeared on Günün Səsi.