Kürdəmirdə iki avtomobilin toqquşması nəticəsində dörd nəfər xəsarət alıb.

NOCOMMENT.az-ın verdiyi məlumata görə , Kürdəmir rayonunun Çöhranlı kənd sakini, 1995-ci il təvəllüdlü Elçin Eynulla oğlu İbrahimovun idarə etdiyi "Nissan" markalı avtomobil Ağdaş şəhər sakini Anar İntiqam oğlu Cəfərovun idarə etdiyi "Mercedes" markalı avtomobillə toqquşub.

Qəza nəticəsində həm sürücülər, həm də "Mercedes"in sərnişinləri - Gəncə şəhər sakinləri 2007-ci il təvəllüdlü Pərişan Vasif qızı Tağıyeva və 2025-ci il təvəllüdlü İlqar Vüqar oğlu Tağıyev xəsarət alıblar.

Məsələ ilə bağlı araşdırma aparılır.\\Day.Az