Tehranın irəli sürdüyü tələblər tam şəkildə yerinə yetirilməyənə qədər Hörmüz boğazı bağlı qalacaq və gəmiçilik üçün yenidən açılmayacaq.
NOCOMMENT.az xəbər verir ki, bu barədə İranın Ali Milli Təhlükəsizlik Şurasının katibi Möhsün Rzayi bəyan edib. O bildirib ki, İran tərəfi qarşı tərəfə 7 maddədən ibarət şərtlər paketi təqdim edib və hələ də Vaşinqtondan konkret cavab gözləyir.
Rzayi ABŞ tərəfindən gələn ilkin reaksiyanın qəbuledilməz olduğunu vurğulayıb: "ABŞ tərəfinin ilkin cavabı Tehran tərəfindən kifayət qədər qəbul olunmadı. Bu şərtlər icra edilməyənədək Hörmüz boğazı açılmayacaq".
Şura katibi əlavə edib ki, Vaşinqtonun mövqeyi aldadıcı xarakter daşıyır və Tehran irəli sürdüyü 7 şərtə aydın, birmənalı reaksiya gözləyir.
Eyni zamanda, Rzayi ABŞ-nin İranla danışıqların guya davam etdirilməsi barədə səsləndirdiyi bəyanatların da tamamilə yalan və həqiqətdən uzaq olduğunu bir daha diqqətə çatdırıb.
Mövzu diqqətimizdədir.
Əli,
NOCOMMENT.az
