İsrailin xarici kəşfiyyat xidməti “Mossad” ABŞ Mərkəzi Kəşfiyyat İdarəsini (MKİ) İranın təhlükəli planları barədə məlumatlandırıb.
Bildirilib ki, rəsmi Tehran ABŞ-nin yeni seçilmiş prezidenti Donald Trampı və onun administrasiyasının əsas nümayəndələrini hədəf alaraq sui-qəsd hazırlayır.
NOCOMMENT.az xəbər verir ki, “Israel Hayom” nəşrinə istinadən yayılan məlumata görə, iranlıların bu planı çərçivəsində partlayıcı maddələrlə təchiz olunmuş PUA-lardan (pilotsuz uçuş aparatlarından) istifadə etməyi planlaşdırdıqları qeyd olunub.
Mənbələrin bildirdiyinə görə, İsrail kəşfiyyatının xəbərdarlığından sonra ABŞ-nin yüksək vəzifəli şəxsləri ətrafında təhlükəsizlik tədbirləri maksimum səviyyəyə qaldırılıb. Əldə olunan bu kəşfiyyat məlumatı Vaşinqton ilə Tehran arasında hər hansı bir razılaşmanın və ya əдзеyin əldə olunması ehtimalını daha da azaldıb.
Qeyd olunub ki, ABŞ tərəfinin müraciətindən sonra “Mossad” məlumatı yoxlayıb və bu təhlükə digər qərb kəşfiyyat xidməti tərəfindən də təsdiqlənib.
Mövzu diqqətimizdədir.
Sara,
