Dünən gecədən indiyədək Hörmüz boğazında dəniz minasına düşən üçüncü tanker yanaraq hərəkətsiz qalıb.

APA-nın Tehran bürosunun məlumatına görə, İran ordusu naviqasiya sistemlərini söndürərək Hörmüz boğazının şərqində elan edilmiş qaydalara zidd və icazəsiz marşrutla hərəkət edən daha bir neft tankerinin dəniz minasına düşərək partladığını açıqlayıb.

Bildirilib ki, ötən gecədən indiyədək Hörmüz boğazının şərqində dəniz minasına düşməsi nəticəsində yanğın baş verən və hərəkətsiz qalan tankerlərin sayı üçə çatıb.

İran ordusu bəyanatında ABŞ Prezidentinin açıqlamalarını yalan adlandıraraq Hörmüz boğazının bağlı olduğunu və İran zəruri hesab edənədək bağlı qalacağını bildirib.

Bəyanatda bütün gəmilərin icazə verilən marşrutlardan istifadə etməli və İran ordusunun elan etdiyi qaydalara əməl etməli olduğu vurğulanıb.