Fransa hakimiyyəti İran İslam İnqilabı Keşikçiləri Korpusunu (SEPAH) ölkədə yüzlərlə supermarketin soyuducu və dondurucu sistemlərinin fəaliyyətini pozan kiberhücumlarda ittiham edib.
Gununesi.info xəbər verir ki, bu barədə “Reuters“ agentliyi məlumat yayıb.
Məlumata görə, Fransanın xarici işlər naziri Jan-Noel Barro hadisə ilə əlaqədar İran səfirinin Xarici İşlər Nazirliyinə çağırıldığını bildirib.
Nazir, həmçinin Tehrana qarşı Avropa İttifaqı tərəfindən əlavə sanksiyaların tətbiq oluna biləcəyi barədə xəbərdarlıq edib.
Agentliyin məlumatına əsasən, oktyabrın 11-də həyata keçirilən kiberhücum zamanı yüzlərlə ticarət obyektində soyuducu avadanlıqlarının temperatur parametrləri uzaqdan dəyişdirilib.
Bildirilir ki, hücumun texniki baxımdan mürəkkəb olmadığı ehtimal edilir.
“Reuters“ qeyd edir ki, hücuma məruz qalan avadanlıqların bir hissəsi köhnəlmiş olub və ya proqram təminatının əvvəlki versiyaları ilə işləyib. Bu isə hakerlərin sistemlərə müdaxiləsini asanlaşdırmış ola bilər.
The post Fransa İranı supermarketlərə kiberhücumda ittiham edib first appeared on Günün Səsi.
