İcbari tibbi sığorta ilə əlaqədar “Ege Hospital”da baş verənlər vətəndaşların ciddi narazılığına səbəb olub. Belə ki, tibb müəssisələrində sığorta əsasında xidmətlərin göstərilməsində yaranan süni maneələr və həkimlərin səhlənkarlığı haqlı etirazlar doğurur.
NOCOMMENT.az xəbər verir ki, İqtisad Universitetinin müəllimi Kənan Quluzadə sosial şəbəkə hesabında səhiyyə müəssisələrində və icbari tibbi sığorta xidmətlərində üzləşdiyi haqsızlıqla bağlı sərt şikayət yazıb. O, iki müxtəlif klinika və həkimlərin səhlənkarlığı ilə üzləşdiyini, pasiyentə qarşı hörmətsizlik nümayiş etdirildiyini bildirib.
Kənan Quluzadə boynundakı epidermik kistin kəsilməsi üçün icbari tibbi sığorta vasitəsilə "Ege Hospital"ın cərrahı Edgard Nurməmmədovla randevu təyin etdiyini bildirib. Lakin təyin olunan vaxtda xəstəxanaya gedən zaman həkimin əməliyyatda olduğu, nə zaman gələcəyinin isə dəqiq bilinmədiyi bildirilib. Xəstənin "bunu niyə əvvəlcədən xəbər verməmisiniz" sualına isə klinika işçiləri tərəfindən "o qədər pasiyent var ki, neyniyə bilərik" kimi absurd və hörmətsiz cavab verilib. Həkim özü də dərhal əlaqə saxlaymayıb, mesajlara gec cavab verib və şikayəti oxusa da, cavabsız qoyub.
Bundan sonra sığorta vasitəsilə "Referans Həyat Hospital"ın Şükür adlı digər həkiminə yönləndirilən şikayətçi orada daha böyük şokla qarşılaşıb. Həkimin göstərişi ilə 3 saat UZİ növbəsində gözləyib nəticəni aldıqdan sonra məlum olub ki, həkim artıq xəstəxananı tərk edib. Həkimlə əlaqə saxlayanda isə o, açıq şəkildə bildirib: "O əməliyyatdan mənə cəmi 8 manat pul qalır, ona görə mən niyə əziyyət çəkim?!"
Kənan Quluzadə bu iki həkimin və klinika personalının səhlənkarlığı üzündən bütün gününün bir neçə dəqiqəlik prosedur üçün boşa getdiyini qeyd edərək haqlı narazılığını ifadə edib: "Ege Hospital" və "Referans Həyat" hospital, həkimləriniz sığorta ilə işləmək istəmirsə, bunu pasiyentə əvvəlcədən niyə desmirlər? Xəstəni qəbulə çağırıb gəlməmək nə deməkdir? Xəstəni əməliyyat etməyəcəksə saatlarla gözlətmək nə deməkdir?"
Əli,
