ABŞ Prezidenti Donald Trampın Çinə səfəri başlayıb.

"Report" xəbər verir ki, bu barədə "CCTV+" telekanalı məlumat yayıb.

Çin Sədri Si Cinpin Trampı Şençjendəki Baoan beynəlxalq hava limanında qarşılayıb.

"Mən sizin Çinə təkrar səfərinizi alqışlayıram və hörmət, ədalət və bərabərliyə əsaslanan konstruktiv, strateji və sabit Çin-ABŞ münasibətlərinin inkişafına təkan vermək üçün Çin-ABŞ münasibətləri, Asiya-Sakit okean regionunda əməkdaşlıq və dünya nizamı ilə bağlı ən mühüm məsələlər ətrafında dərindən fikir mübadiləsi aparmaq imkanını səbirsizliklə gözləyirəm", - o qeyd edib.

D.Tramp, öz növbəsində, bu səfərin ikitərəfli münasibətlərin daha da inkişafına və tam uğurun əldə olunmasına təkan verəcəyinə əminliyini ifadə edib.

ABŞ lideri Asiya-Sakit okean İqtisadi Əməkdaşlığı (APEC) sammitində iştirak etmək üçün Çinə səfər edib.

Qeyd edək ki, APEC çərçivəsində həmçinin ABŞ, Çin və Rusiya liderləri Donald Tramp, Si Cinpin və Vladimir Putinin üçtərəfli görüşünün keçirilməsi gözlənilir.